មិនមែនជា AI ប៉ុន្តែគឺជាការថតពិតៗ! បន្ទាប់ពី Trend ស្លាបកង្ហារបង្ហាញពីសំលៀកបំពាក់ផ្សេងៗគ្នាល្បីឡាញខ្លាំងពេលនេះតារាចម្រៀង ទេព បូព្រឹក្ស បានដឹកដៃ ជី ដេវីត ថត Trend នេះពិតៗជាមួយនឹងសំលៀកបំពាក់ខ្មែរច្រើនទម្រង់ដោយមិនប្រើប្រាស់ AI ឡើយ។.png)
ថ្មីៗនេះ Trend ស្លាបកង្ហារបាននិងកំពុងទទួលបានការចាប់អារម្មណ៍នៅលើបណ្តាញសង្គម ដោយមានអ្នកប្រើប្រាស់ជាច្រើនបង្កើតវីដេអូបង្ហាញការផ្លាស់ប្តូរសម្លៀកបំពាក់ និងរូបរាងតាមរយៈបច្ចេកវិទ្យាបញ្ញាសិប្បនិម្មិត (AI)។ ក្នុងវីដេអូទាំងនោះ តួអង្គអាចបង្ហាញខ្លួនក្នុងឈុតសម្លៀកបំពាក់ផ្សេងៗគ្នា ក្នុងរយៈពេលដ៏ខ្លីដោយបង្កើតជារូបភាពដ៏ទាក់ទាញនិងប្លែកភ្នែក។
ទោះជាយ៉ាងណា ទេព បូព្រឹក្ស និង ជី ដេវីត បានជ្រើសរើសការថតជាក់ស្តែង ដោយបង្ហាញការផ្លាស់ប្តូរសម្លៀកបំពាក់ខ្មែរជាច្រើនទម្រង់ តាមរយៈការប្រើប្រាស់ស្លាបកង្ហារជាផ្នែកសំខាន់នៃការសម្តែង។ ការបង្ហាញនេះមិនត្រឹមតែធ្វើឱ្យវីដេអូមានភាពទាក់ទាញប៉ុណ្ណោះទេ ប៉ុន្តែថែមទាំងផ្តល់ឱកាសឱ្យទស្សនិកជនបានឃើញសម្រស់នៃសម្លៀកបំពាក់ខ្មែរតាមរបៀបថ្មី និងមានភាពច្នៃប្រឌិតផងដែរ។ តាមការបញ្ជាក់របស់ម្ចាស់បទ «ទេវរាជ» ការថត Trend ខ្លីនេះគឺចំណាយពេល៣ម៉ោង។
អ្វីដែលគួរឱ្យចាប់អារម្មណ៍នោះ គឺការបញ្ចូលសម្លៀកបំពាក់ខ្មែរទៅក្នុង Trend ដែលកំពុងពេញនិយមនៅលើបណ្តាញសង្គម។ តាមរយៈការផ្លាស់ប្តូរឈុតសម្លៀកបំពាក់ និងការបង្ហាញកាយវិការយ៉ាងរលូន អ្នកទាំងពីរបានធ្វើឱ្យការបង្ហាញបែបនេះមានភាពរស់រវើក និងទាក់ទាញចំណាប់អារម្មណ៍ពីអ្នកទស្សនា។ជាពិសេស ការជ្រើសរើសសម្លៀកបំពាក់ខ្មែរមកបង្ហាញក្នុងវីដេអូ បានធ្វើឱ្យ Trend នេះមានលក្ខណៈខុសប្លែកពីវីដេអូទូទៅដែលប្រើប្រាស់ AI ដើម្បីបង្កើតរូបភាព ឬផ្លាស់ប្តូរសម្លៀកបំពាក់។ .png)
មិនត្រឹមតែជាការចូលរួមក្នុង Trend ថ្មីប៉ុណ្ណោះទេ ការបង្ហាញសម្លៀកបំពាក់ខ្មែរបែបនេះក៏អាចជួយបង្កើនការចាប់អារម្មណ៍របស់យុវវ័យចំពោះសម្លៀកបំពាក់ប្រពៃណីខ្មែរ និងជំរុញឱ្យមានការច្នៃប្រឌិតក្នុងការផ្សព្វផ្សាយវប្បធម៌តាមបណ្តាញសង្គមផងដែរ។
ទេព បូព្រឹក្ស និង ជី ដេវីត តែងតែបង្ហាញសកម្មភាព និងស្នាដៃច្នៃប្រឌិតថ្មីៗជូនអ្នកគាំទ្រ ការថត Trend លើកនេះបានបង្ហាញពីការចូលរួមយកចិត្តទុកដាក់លើការបង្កើតមាតិកាប្លែកៗ ដោយភ្ជាប់ភាពទាន់សម័យជាមួយអត្តសញ្ញាណវប្បធម៌ខ្មែរ៕
