ជូរី ល្អហួស ថាមតិមួយចំនួននៅវា.យប្រហាររឿងស្លៀកប៊ីគីនីទាំងនាងលះបង់ដើម្បីការប្រកួត

ជូរី ល្អហួស បានបង្ហាញការមិនសប្បាយចិត្តរបស់ខ្លួនបន្ទាប់ពីអ្នកមួយចំនួននៅវាយប្រហារនាងក្នុងការស្លៀកឈុតប៊ីគីនីក្នុងអំឡុងពេលចូលរួមប្រកួតកម្មវិធីសម្រស់លក្ខណៈអន្តរជាតិ។ ល្អហួស ថានាងបានការលះបង់ភាពអៀនខ្មាសក្នុងនាមជាមនុស្សស្រីនិងខិតខំប្រឹងយ៉ាងខ្លាំងក្នុងនាមជាតំណាងកម្ពុជា។

នៅយប់ថ្ងៃទី១៦ ខែកញ្ញា ជូរី ល្អហួស បានបង្ហោះសំណេរមួយដែលលើកឡើងពីមតិវាយប្រហារលើនាង។ តាមការបកស្រាយរបស់ ល្អហួស កម្មវិធីប្រកួតសម្រស់អន្តរជាតិមានវគ្គស្លៀកឈុតហែលទឹក ដែលជាផ្នែកមួយនៃការប្រកួត ដើម្បីឱ្យបេក្ខនារីបង្ហាញសមត្ថភាពក្នុងការដើរម៉ូត ឬ Catwalk រួមទាំងការបង្ហាញភាពជឿជាក់ ឥរិយាបថ និងសមត្ថភាពលើឆាក។ វគ្គនេះក៏ជាផ្នែកមួយដែលអាចចូលរួមក្នុងការវាយតម្លៃពិន្ទុ និងសន្សំពិន្ទុដើម្បីចូលដល់វគ្គ TOP នៅក្នុងការប្រកួត។

យ៉ាងណាមិញ ការស្លៀកឈុតហែលទឹក(ប៊ីគីនី) បានក្លាយជាប្រធានបទដែលមានមតិផ្សេងៗគ្នាពីអ្នកប្រើប្រាស់បណ្តាញសង្គម ដោយមតិមួយចំនួនបានរិះគន់លើការស្លៀកពាក់របស់នាង។ ល្អហួស បានព្យាយាមពន្យល់ថាអ្វីដែលនាងធ្វើគឺស្ថិតនៅក្នុងបរិបទនៃការប្រកួត និងតាមលក្ខខណ្ឌរបស់កម្មវិធី។ នាងបានលើកឡើងថា ខ្លួនជាមនុស្សស្រីដែលមានភាពសុភាពរាបសារ ទន់ភ្លន់ និងមិនមែនជាមនុស្សដែលចូលចិត្តស្លៀកពាក់បែបសិចស៊ីឡើយ។

ល្អហួស បាននិយាយថា «នាងខ្ញុំចំណាយពេលវេលា ថវិកា និងលះបង់ភាពអៀនខ្មាស់» នាងខ្ញុំធ្វើអ្វីដើម្បីឱ្យកម្ពុជាមានកិត្តិយសនិងកេរ្តិ៍ឈ្មោះល្បីល្បាញ»។ បវរកញ្ញាតំណាងកម្ពុជារូបនេះបានចោទជាសំណួរវិញថា «តើពេលវគ្គស្លៀកឈុតហែលទឹក តើនាងខ្ញុំគួរស្លៀកអ្វីដើម្បីយកទៅប្រកួតនិងបានពិន្ទុពីគណៈកម្មការ ?»។

ជាចុងក្រោយ ជូរី ល្អហួស បានបង្ហាញការតាំងចិត្តបន្តដំណើរទៅមុខ និងខិតខំប្រឹងប្រែងក្នុងការប្រកួត ដោយផ្តោតលើការធ្វើតួនាទីជាតំណាងកម្ពុជាឱ្យបានល្អបំផុតជាមួយនឹងពាក្យសម្តីថា «ស៊ូៗទៅមុខទៀត ជូរី ល្អហួស» ។

Miss Teen Icon International គឺជាកម្មវិធីប្រកួតសម្រស់អន្តរជាតិសម្រាប់យុវតីដែលបេក្ខនារីមានអាយុប្រមាណ ១៥–២០ ឆ្នាំ។ ឆ្នាំនេះ ឥណ្ឌូនេស៊ី នឹងធ្វើជាម្ចាស់ផ្ទះ ហើយការប្រកួតគ្រោងធ្វើពីថ្ងៃទី ៧ ដល់ ១៤ខែវិច្ឆិកា ឆ្នាំ ២០២៦។

ជាមួយនឹងសម្រស់ ចំណេះដឹង និងភាពជឿជាក់ ជូរី ល្អហួស ត្រូវបានអ្នកតាមដានវិស័យបវរកញ្ញាជឿជាក់ថានាងនឹងមានឱកាសខ្ពស់ក្នុងការតំណាងកម្ពុជាម្តងទៀតលើឆាក Miss Teen Icon International 2026 បន្ទាប់ពីជោគជ័យក្នុងកម្មវិធី Miss Preteen Junior Idol World 2024 ៕