ឡាវ ពិចារណាបញ្ជាទិញឃើញយន្តហោះចម្បាំងចិន

នៅស្ងាត់តែមិនស្ងៀម កងទ័ពរំដោះប្រជាជនឡាវ ត្រៀមធ្វើទំនើបកម្មកងទ័ពអាកាសរបស់ខ្លួន ដោយសម្លឹងឃើញយន្តហោះចម្បាំងចិន Chengdu J-10C។

យន្តហោះនេះ គឺជាយន្តហោះចម្បាំងពហុបេសកកម្មជំនាន់ទី ៤.៥ កម្រិតខ្ពស់ផលិតដោយប្រទេសចិន ដែលមានល្បឿនលឿនជាសំលេងជិត២ដង និងបំពាក់បច្ចេកវិទ្យារ៉ាដា AESA ដ៏មានឥទ្ធិពល ព្រមទាំងមីស៊ីលទំនើបៗសម្រាប់វាយប្រហារលើអាកាស។J10 ជាទូទៅមានតម្លៃចន្លោះពី៥០លានទៅ៦០លានដុល្លារក្នុងមួយគ្រឿង ប៉ុន្តែបើគិតបញ្ចូលទាំងការបណ្តុះបណ្តាល គ្រឿងបន្លាស់ និងការថែទាំ អាចឡើងដល់ប្រហែល ១១៥ លានដុល្លារក្នុងមួយគ្រឿង។បច្ចុប្បន្ន កងទ័ពអាកាសប្រជាជនឡាវ មិនមានយន្តហោះចម្បាំងល្បឿនលឿនជាងសំឡេង ទំនើបៗដូចជា Su-30 ឬ F-16 ដូចប្រទេសជិតខាងនោះទេ។ភាគច្រើន ឡាវ ប្រើប្រាស់យន្តហោះចម្បាំងធុនស្រាល ដូចជា Yakovlev Yak-130 ដែលផលិតដោយរុស្ស៊ី៕