Sun Qian កំពុងក្លាយជាតារាស្រីដែលទទួលបានការចាប់អារម្មណ៍ពីទស្សនិកជន បន្ទាប់ពីនាងបានសម្តែងជាតួឯកស្រីក្នុងរឿងភាគចិន «The Early Spring» ដោយសម្តែងរួមគ្នាជាមួយតារាសម្តែងប្រុស Jing Boran។ ក្នុងរឿងនេះ Sun Qian សម្តែងជាតួ Shang Zhi Tao ឬ Flora ជានារីវ័យក្មេងម្នាក់ដែលចាកចេញពីស្រុកកំណើតទៅទីក្រុងប៉េកាំង ដើម្បីស្វែងរកឱកាសការងារ និងចាប់ផ្តើមជីវិតថ្មី មុនពេលរឿងរ៉ាវស្នេហាបានកើតឡើងជាមួយថៅកែរបស់ខ្លួន។ 
រឿង ««The Early Spring» ក៏កំពុងទទួលបានប្រជាប្រិយភាពខ្លាំងនៅលើវេទិកាឌីជីថល ដោយក្លាយជារឿងភាគទូរទស្សន៍ចិនដំបូងដែលអាចឈានចូល Top 3 នៃតារាងរឿងភាគភាសាមិនមែនអង់គ្លេសដែលមានអ្នកទស្សនាច្រើនបំផុតរបស់ Netflix។ តាមទិន្នន័យខ្ល រឿងនេះក៏ឈរនៅលំដាប់ទី១ ក្នុងចំណោមកម្មវិធីទូរទស្សន៍ដែលមានអ្នកទស្សនាច្រើននៅលើ Netflix របស់ប្រទេសមួយចំនួនផងដែរ។
Sun Qian កើតក្នុងឆ្នាំ ១៩៩៧ នៅទីក្រុង Harbin ប្រទេសចិនបានបញ្ចប់ការសិក្សាផ្នែកសម្តែងពី Central Academy of Drama ហើយកាលពីវ័យក្មេង នាងក៏ធ្លាប់សិក្សារបាំបាឡេអស់រយៈពេលប្រមាណ ៧ឆ្នាំ នៅសាលាដែលស្ថិតក្រោម Beijing Dance Academy។ តារាស្រីរូបនេះត្រូវបានទស្សនិកជនស្គាល់តាមរយៈការសម្តែងក្នុងខ្សែភាពយន្ត និងរឿងភាគជាច្រើន រួមមាន
តារាស្រីរូបនេះមានកម្ពស់ប្រមាណ ១,៧២ម៉ែត្រ និងត្រូវបានគេចាប់អារម្មណ៍ជាពិសេសលើសម្រស់បែបស្រស់ស្អាតធម្មជាតិ និងស្នាមញញឹមភ្លឺថ្លា។ ប្រភពព័ត៌មានចិនក៏បានលើកឡើងថា រូបសម្រស់របស់នាងមានភាពស្រដៀងនឹងតារាសម្តែងកូរ៉េខាងត្បូង Jeon Ji Hyun ផងដែរ។ 
ក្រៅពីការងារសិល្បៈ Sun Qian ក៏កំពុងមានវត្តមានកាន់តែច្រើននៅក្នុងវិស័យម៉ូត។ នាងធ្លាប់ចូលរួម Paris Fashion Week ក្នុងនាមជាតារាល្បីអាស៊ីតំណាងឱ្យម៉ាក Balenciaga។ Sun Qian
ក៏ធ្លាប់បង្ហាញខ្លួនក្នុងយុទ្ធនាការផ្សព្វផ្សាយ និងទស្សនាវដ្តីម៉ូតល្បីៗជាច្រើនហើយបច្ចុប្បន្នមានតួនាទីជាទូតសុច្ឆន្ទៈសម្រាប់ម៉ាកថែរក្សាស្បែកចិន Fuerjia និងម៉ាកកីឡាកូរ៉េខាងត្បូង FILA។
ជាមួយទេពកោសល្យសម្តែង រូបសម្រស់ និងស្ទីលម៉ូតដែលមានភាពបត់បែន Sun Qian កំពុងក្លាយជាតារាស្រីចិនមួយរូបដែលមានសន្ទុះប្រជាប្រិយភាពកាន់តែខ្លាំង ជាពិសេសក្រោយការចាក់ផ្សាយរឿង «The Early Spring»៕
