កាបូបប្រណីតបានធ្វើឱ្យអ្នកលេងបណ្តាញសង្គមមានការចាប់អារម្មណ៍និងមានមតិវែកញែកជាច្រើន។ ស្របពេលប្រធានបទទាក់ទងនឹងខ្លួនមានការលើកឡើងច្រើនលោកស្រី ឡៃ ស៊ូយៀក ដែលជាម្ចាស់ប្រ៊េនល្បីឈ្មោះមួយរូបបានចេញមកបញ្ជាក់ពីដំណើរដើមទងដែលមានការផ្លែផ្កាពីភាគីម្ខាងទៀត។
តាមរយៈវីដេអូដែលបានបង្ហោះកាលពីយប់ថ្ងៃទី៧ កញ្ញា លោកស្រី ឡៃ ស៊ូយៀក បានរៀបរាប់ថារឿងហេតុចាប់ផ្តើមពីខ្លួនដែលចង់ទិញកាបូបក្នុងក្តីស្រមៃបន្ទាប់ពីខិតខំជាច្រើនឆ្នាំនិងសល់លុយហើយដែរ។ បន្ទាប់ពីមានការគិតពិចារណាថាខ្លួនស័ក្តិសមហើយក៏មានបំណងកម្មង់កាបូប Hermès Birkin Himalaya ដែលមានតម្លៃជាង២០ម៉ឺនដុល្លារពីកន្លែងមួយដែលខ្លួនបានឃើញលោកជំទាវ និងអ្នកជាច្រើនទៀតផ្តល់ទំនុកកន្លែងនោះ។ ម្ចាស់ប្រ៊េនរូបនេះបន្តទៀតថាមុននឹងទិញកាបូបដល់លំដាប់នេះក៏មានការស៊ើបសួរ មិនមែនដំឡូងមូលនោះទេ ហើយមានការឌឺដងដាក់ថាគ្មានក្រេដីតទៅទិញដល់ Store ហើយខ្លួនគេទើបមានក្រេដីតទៅទិញដល់ Store។
ជាមួយគ្នានេះដែរលោកស្រី ឡៃ ស៊ូយៀក ថាប្រសិនជាច្បាស់លាស់ទិញកាបូបនេះបានចំនួន១០ ២០កាបូបមែនទម្លាក់វិក្កយបត្រដែលមានត្រា Hermè និងឈ្មោះខ្លួនឯង ប្រសិនត្រឹមតែការបង្ហោះគឺស្មើនឹងចាក់ចោលគ្មានអ្នកណាជឿនោះទេ។ អ្នកជំនួញអនឡាញរូបនេះបន្ថែមទៀតថា កាបូប Hermè មិនមែនចេះតែទិញបានៗនោះទេទោះបីជាមានលុយយ៉ាងណាក៏ដោយ។ បន្ទាប់ពីខ្លួនបានបង្ហោះកាបូបតម្លៃជាង២០ម៉ឺនហើយស្រាប់តែមានការបង្ហោះជាសំណេរហូរហែដោយនេះមិនមែនជាលើកទី១នោះទេ កន្លងមកក៏មានការបង្ហោះឌឺដងផ្លែផ្កាជាយូរមកហើយប៉ុន្តែ លោកស្រី ឡៃ ស៊ូយៀក អះអាងថាមិនចង់តបតដោយចង់សន្សំសុខហើយពេលខ្លះខ្លួនទ្រាំមិនបានក៏មានការបង្ហោះខ្លះវិញដែរ។
ជាមួយនឹងការតបតទៅវិញទៅមកម្ចាស់ប្រ៊េនរូបនេះថាកុំលើករឿងអាយុមកនិយាយមិនមែនឃើញគេក្មេងត្រូវឱនលំទោនក្បាលនោះទេតែប៉ះពាល់មិនឱ្យតម្លៃ ខ្លួននឹងតបតវិញហើយមិនមែនជាឪពុកម្តាយខ្លួនទេគ្រាន់តែឃើញពន្លឺថ្ងៃមុនប៉ុណ្ណោះ៕
