សួស វីសា សរសើរ សុខ ពិសី ថាជាតុក្កតាមានជីវិត

ក្នុងពេលដែលចាប់ដៃគ្នាលើកដំបូងសម្តែងនៅឯផាប់មួយកន្លែងតារាចម្រៀង សួស វីសា បានសរសើរចំៗទៅកាន់តារាចម្រៀង សុខ ពិសី ថាមានសម្រស់ប្រៀបដូចជាតុក្កតាមានជីវិត។ សុខ ពិសី គឺសិល្បការិនីដែលប្រឡូកក្នុងអាជីពច្រើនឆ្នាំមកហើយ ហើយតែទទួលបានការគាំទ្រពីទស្សនិកជនដដែលជាពិសេសគឺសម្រស់តែម្តង។

ថ្មីៗនេះ សុខ ពិសី និង សួស វីសា មានការសម្តែងជាមួយគ្នានៅឯផាប់ព្រមទាំងមានបទចម្រៀងបកស្រាយរួមគ្នាក្រៅពីបទទោលរៀងៗខ្លួន។ ក្នុងអំឡុងពេលឡើងឆាកជាមួយគ្នា សួស វីសា បានសរសើរ សុខ ពិសី ថាជាតុក្កតាមានជីវិតដែលចង់បញ្ជាក់ពីសម្រស់តារាចម្រៀងរូបនេះ។ ក្រៅពីទទួលបានពាក្យសម្តីនេះ សុខ ពិសី ក៏បានសរសើរទៅកាន់ សួស វីសា ថាជាតុក្កតាមានជីវិតដូចគ្នា។ វីសា ក៏បានបង្ហាញអារម្មណ៍សប្បាយចិត្តនិងរំភើបខ្លាំងដែលបានច្រៀងជាមួយ សុខ ពិសី ដែលជាអាយដលរបស់ខ្លួន។

សុខ ពិសី ក៏បានសរសើរ វីសា ថាជាមនុស្សរឹងមាំ ពូកែគួរឱ្យស្រលាញ់ ហើយនាងនឹងក្បែរព្រមកំដរ វីសា ផងដែរ។ ក្នុងពេលឡើងឆាកបកស្រាយបទចម្រៀងលើកនេះ សួស វីសា ក៏រលីងរលោងទឹកភ្នែកដូចគ្នាដែលធ្វើឱ្យ សុខ ពិសី បានផ្តល់កម្លាំងចិត្តទៅកាន់វីសា ក្នុងពេលដែលទើបតែជួបប្រទះការបែកបាក់ក៏នៅតែមកបំពេញការងារ។

មិនត្រឹមតែទស្សនិកជនប៉ុណ្ណោះទេដែលកោតសរសើរពីសម្រស់របស់ សុខ ពិសី អ្នកលេងបណ្តាញសង្គមផ្សេងទៀតក៏បានសរសើរដូចគ្នាដោយលើកឡើងថាតារាចម្រៀងរូបនេះមិនចេះចាស់សម្រស់នៅតែស្រស់ស្អាតមានតែហ្វេនទេដែលកាន់ចាស់ទៅៗ។ មានមតិនៅលើទិកតុកមួយថែមទាំងពោលថាសម្រស់ សុខ ពិសី ប្រៀបដូចជាមនុស្សស្រីអាយុ១៨ឆ្នាំទៀតផង៕