តារាចម្រៀង ប៉ាច គីមមួយ បានធ្វើឱ្យអ្នកលេងបណ្តាញសង្គមផ្ទុះការចាប់អារម្មណ៍យ៉ាងខ្លាំងបន្ទាប់ពីទម្លាយវីដេអូមួយចាប់បានតារាចម្រៀង សយ រតនៈ ដែលជាគូដណ្តឹងលួចលាក់មានស្រីទាំងដែលអះអាងថាមកធ្វើការ។ ទោះយ៉ាងណាវីដេអូរបស់ ប៉ាច គីមមួយ បានធ្វើឱ្យអ្នកលេងបណ្តាញសង្គមបញ្ចេញមតិចម្រុះដោយមនុស្សមួយចំនួនធំសង្ស័យថានេះជាការសម្តែង។ លើសពីនេះមហាជនមួយចំនួនថែមទាំងគំរាមឈប់គាំទ្រប្រសិននេះជាការសម្តែង។.png)
នៅយប់ថ្ងៃទី៣១ ខែសីហា ប៉ាច គីមមួយ តារាចម្រៀងក្នុងទ្រនំសាន់ដេ បានបង្ហោះវីដេអូមួយដោយភ្ជាប់មកជាមួយនឹងចំណងជើងថា « អស់ទ្រាំហើយ ខ្មាសគេខ្មាសចុះ ខ្ញុំឆ្អែតគ្រប់យ៉ាង មិនមែនម្តងទេលើកលែងក៏ធ្លាប់លើកលែងឱ្យច្រើនដងដែរ តែអ្នកមិនចេះគ្រប់គ្រាន់។ នាងសំណាងហើយខ្ញុំបិទមុខទុកកិត្តិយសឱ្យបើចង់បានណាស់យកចុះ ខ្ញុំលែងត្រូវការហើយ»។ ឃ្លីបខ្លីនេះបានរីករាលដាលភ្លាមៗនៅលើបណ្តាញសង្គមបង្កើតទៅជាប្រធានបទក្តៅនៅលើបណ្តាញសង្គមដោយមានមតិយោបល់ជាច្រើន។
មុននឹងការទម្លាយឃ្លីបវីដេអូខ្លីនេះគេបានឃើញគណនីផ្ទាល់ខ្លួនរបស់ ប៉ាច គីមមួយ បានលុបរូបប្រូហ្វាល់ និងមានការចែករំលែកពីខ្លឹមសារមួយដែលមិនអាចទទួលយកបាននូវអំពើផិតក្បត់។
ទោះយ៉ាងណាមិញ ទន្ទឹមនឹងមតិមួយចំនួនបង្ហាញការខឹងសម្បារទៅកាន់ សយ រតនៈ ចំពោះទង្វើផិតក្បត់នេះអ្នកមួយចំនួនក៏បានសង្ស័យថានេះអាចជាការសម្តែងនៅក្នុងវីដេអូចម្រៀង។ ពួកគេថែមទាំងគំរាមថាប្រសិននេះជាការសម្តែងពិតមែននឹង unfollow លែងគាំទ្រ ប៉ាច គីមមួយ តទៅទៀត។.png)
អ្នកលេងបណ្តាញសង្គមបញ្ចេញមតិថា «បើសិនជាការពិត គឺមនុស្សគ្រប់គ្នានឹងលើកទឹកចិត្តអូន តែបើជាការសម្តែងគឺសោកស្តាយដែលអ្នកល្បីចម្លងយកសកម្មភាពអ្នកបំពុលសង្គម ស្ទាយដដែល…» , «បើសម្តែងមែនខ្ញុំ unfollow ចោលហើយណា», «សំដែងមិនសំដែងមើលបែបនេះ៖- បើពិត: មានអ្នកសិល្បៈចូលខមិន លើកទឹកចិត្ត រឺក៏ហាមឃាត់អោយចិត្តត្រជាក់។- សំដែង៖ គឺបែបនឹង គ្មានដារា ណាមកខមិនសូម្បីមួយ»។
លើសពីការគំរាមលែងគាំទ្រ អ្នកខ្លះថែមទាំងនិយាយថាប្រសិនជាការសម្តែងមែនជូនពរឱ្យអ្នកទាំងពីរបែកគ្នាឆាប់ៗ។ គណនីមួយសរសេរថា «ជូនពរប្រាស់ព្រាត់គ្នាឆាប់ៗ បើសម្ដែងមែនសូមប្លុកចោលឈប់គ្រាំទ្រកុំល្បីដោយសារសម្ដែងចឹង បើថតMVថាMVកុំឱ្យគេជេខាងប្រុស»។
ទន្ទឹមនឹងប្រតិកម្មពីមហាជនទៅលើវីដេអូដែលចាប់បានថា សយ រតនៈ ដែលជាគូដណ្តឹងលួចលាក់មានស្រី មកទល់នឹងម៉ោង៩ព្រឹកថ្ងៃទី១ ខែកញ្ញា ប៉ាច គីមមួយ ពុំទាន់ចេញមកនិយាយបន្ថែមអ្វីឡើយ៕
