Jennie ទទួលបានមតិប្រតិកម្មចម្រុះក្រោយសម្តែងនិងស្លៀកពាក់ស៊ិ.ចស៊ីនៅក្នុងការប្រគំតន្រ្តី

Jennie សមាជិកក្រុម BLACKPINK បានបង្កើតប្រវត្តិសាស្ត្រជាតារាចម្រៀងស្រីទោល K-pop ដំបូងគេដែលជាអ្នកសម្តែងសំខាន់នៅក្នុងកម្មវិធី Lollapalooza Chicago ប៉ុន្តែការសម្តែងរបស់នាងបានទទួលទាំងការសរសើរ និងការរិះគន់។ មុននឹងកម្មវិធីនេះ Jennie ក៏ទទួលបាននូវមតិរិះគន់យ៉ាងច្រើនបន្ទាប់ពីចូលរួមពិសេសសម្តែងជាមួយនឹង Kevin Parker ដោយសារតែសំលៀកបំពាក់ស៊ិ.ចស៊ីរបស់នាង។

កាសែត Chicago Sun-Times បានចុះផ្សាយពីការវាយតម្លៃនៃការសម្តែងរបស់ Jennie នៅក្នុងព្រឹត្តិការណ៍ Lollapalooza Chicago ដោយនិយាយចំនួនអ្នករាំដ៏ច្រើនជួនកាលបានគ្របដណ្ដប់លើ Jennie ។ កាសែតនេះក៏បានចង្អុលបង្ហាញពីបញ្ហាតុល្យភាពសំឡេងផងដែរ ដោយនិយាយថា សំឡេងច្រៀងមួយចំនួនរបស់នាងខ្វះភាពច្បាស់លាស់ក្នុងអំឡុងពេលនៃការសម្តែង។ ការរិះគន់ខ្លាំងបំផុតមួយរបស់ការវាយតម្លៃគឺសំដៅទៅលើការសម្តែងរបស់ Jennie ក្នុងបទ «Dracula» ។ យោងតាមកាសែត Chicago Sun-Times ការរួមបញ្ចូលគ្នារវាងសំឡេងច្រៀងផ្ទាល់របស់ Jennie និងសំឡេងច្រៀងរបស់ Kevin Parker មិនបានលាយឡំគ្នាយ៉ាងរលូនទេ។

មុននឹងការសម្តែងដែលទទួលបានការវាយតម្លៃចម្រុះពីប្រព័ន្ធផ្សព្វផ្សាយអន្តរជាតិ Jennie ក៏ទទួលបាននូវការរិះគន់យ៉ាងច្រើនដូចគ្នាបន្ទាប់ពីបង្ហាញខ្លួនយ៉ាងក្លាហានជាមួយនឹងសំលៀកបំពាក់ដ៏ស៊ីអារម្មណ៍។

កាលពីចុងខែកក្កដា Jennie សមាជិកក្រុម BLACKPINK បានទាក់ទាញចំណាប់អារម្មណ៍ទស្សនិកជនជាមួយនឹងការសម្តែងផ្ទាល់លើកដំបូងរបស់នាងក្នុងបទ «Dracula» រួមជាមួយ Tame Impala (Kevin Parker) ដែលធ្វើឱ្យនាងមានភាពលេចធ្លោនៅលើឆាក និងអំណាចតារាដែលមិនអាចប្រកែកបាន។ នាងបានស្លៀកសម្លៀកបំពាក់រចនាបែបបុរាណដ៏កម្រមួយពីម៉ាកម៉ូតល្បីឈ្មោះ Betsey Johnson ដែលចេញលក់ដំបូងក្នុងឆ្នាំ ១៩៩៩។

មិនយូរប៉ុន្មានសំលៀកបំពាក់នៃការសម្តែងនេះបង្កឱ្យមានការជជែកវែកញែក។ រូបរាងដ៏ទាក់ទាញរបស់ Jennie ដែលបំផុសគំនិតដោយខោទ្រនាប់បានរីករាលដាលយ៉ាងឆាប់រហ័ស ដែលបង្កឱ្យមានប្រតិកម្មបែងចែកពីអ្នកនិយមលេងអ៊ីនធឺណិត។ ខណៈពេលដែលមនុស្សជាច្រើនបានសរសើរសម្រស់របស់ Jennie នៅក្នុងសម្លៀកបំពាក់ Chanel ដ៏ស្រស់ស្អាត អ្នកផ្សេងទៀតបានរិះគន់វាថាឈុតនេះបង្ហាញច្រើនពេកដែលសំលៀកបំពាក់នេះមិនសម្រាប់ការសម្តែងនៅលើឆាកនោះទេ។ យ៉ាងណាសម្រាប់អ្នកគាំទ្រដទៃទៀតបានបញ្ចេញមតិវិជ្ជមានដោយលើកឡើងថា «សម្លៀកបំពាក់របស់នាងពិតជាសមនឹងគំនិតនៃបទចម្រៀងថ្មីរបស់នាង វាហាក់ដូចជានាងគ្រាន់តែធ្វើអ្វីដែលនាងចង់បាន និងរស់នៅជីវិតដ៏ល្អបំផុតរបស់នាងប៉ុណ្ណោះ»៕