អ្នកដំណើរបារាំងម្នាក់ស្បថឈប់ជាន់ដីថៃ ក្រោយកូនស្រីអាយុ ១២ឆ្នាំរងការឃុំឃាំងយ៉ាងអយុត្តិធម៌នៅព្រលានយន្តហោះ

សូមជួយស៊ែរឲ្យពិភពលោកបានដឹងពីទង្វើរើសអើងជាតិសាសន៍ជាប្រព័ន្ធរបស់ថៃ! នៅក្នុងបណ្ដាញសង្គមកំពុងតែផ្ទុះការវែកញែក និងរិះគន់យ៉ាងចាស់ដៃ ក្រោយពេលពលរដ្ឋជនជាតិបារាំងម្នាក់ដែលកំពុងរស់នៅក្នុងប្រទេសកម្ពុជា បានផ្ទុះកំហឹងយ៉ាងខ្លាំង និងបានចេញមុខលាតត្រដាងទាំងទឹកភ្នែកពីទង្វើអមនុស្សធម៌របស់អាជ្ញាធរអន្តោប្រវេសន៍ថៃ ដែលបានឃុំខ្លួនកូនស្រីអាយុ ១២ឆ្នាំ របស់លោក ព្រមទាំងបណ្ដេញឱ្យហោះត្រឡប់មកកម្ពុជាវិញ ក្រោមហេតុផលរើសអើងជាតិសាសន៍យ៉ាងឃោរឃៅ។

យោងតាមការបង្ហោះលាតត្រដាងការពិតផ្ទាល់នៅលើគណនីបណ្តាញសង្គមហ្វេសប៊ុករបស់លោក Ji Wi ហេតុការណ៍ដ៏រន្ធត់នេះបានកើតឡើងនៅពេលដែលកូនស្រីអាយុ ១២ ឆ្នាំរបស់លោក ត្រូវធ្វើដំណើរតែម្នាក់ឯងតាមជើងហោះហើរពីទីក្រុងបាងកក ឆ្ពោះទៅកាន់ប្រទេសបារាំង ក្រោមសេវាកម្មកុមារធ្វើដំណើរគ្មានអាណាព្យាបាល (UM)។ ប៉ុន្តែ អាជ្ញាធរថៃមិនត្រឹមតែមិនអនុញ្ញាតឱ្យកុមារីរូបនោះឡើងយន្តហោះឡើយ ថែមទាំងបានបង្ខាំងទុកលោក Ji Wi និងកូនស្រីនៅក្នុងការិយាល័យអន្តោប្រវេសន៍អស់រយៈពេល ៦ ម៉ោង ក្នុងស្ថានភាពដ៏អាក្រក់បំផុតដែលមានសភាពដូចជាគុក។ អ្វីដែលរឹតតែខ្លោចចិត្តជាងនេះទៅទៀត លោក Ji Wi បានលាតត្រដាងបន្ថែមថា ខ្លួននិងកូនស្រីអាយុ ១២ ឆ្នាំ ត្រូវបានគេបង្ខំឱ្យដេកឃុំខ្លួននៅក្នុងមជ្ឈមណ្ឌលអន្តោប្រវេសន៍ក្នុងប្រទេសថៃ អស់រយៈពេលរហូតដល់ទៅ ២៤ ម៉ោង មុនពេលបង្ខំឱ្យពួកគេទិញសំបុត្រយន្តហោះហោះត្រឡប់មកទីក្រុងភ្នំពេញវិញ ទាំងគ្មានកំហុសទាល់តែសោះ។

លោក Ji Wi បានបញ្ជាក់យ៉ាងច្បាស់ៗទាំងក្តៅក្រហាយថា មូលហេតុតែមួយគត់ដែលអាជ្ញាធរថៃប្រាប់គាត់រហូតដល់ទៅ ៣ ដង ក្នុងការបដិសេធមិនឱ្យកូនស្រីគាត់ឡើងយន្តហោះ គឺ៖ «បើអ្នកស្រឡាញ់កម្ពុជា អ្នកត្រូវតែនៅទីនោះទៅ!»។ ពាក្យសម្តីរើសអើងជាតិសាសន៍ និងគ្មានចិត្តមេត្តានេះ បានធ្វើឱ្យលោក Ji Wi ស្បថដាច់ខាតកាត់ផ្តាច់ទំនាក់ទំនងជាមួយប្រទេសថៃទាំងស្រុង ដោយលោកនឹងមិនជាន់ដីថៃទៀតឡើយ ហើយក៏មិនចំណាយប្រាក់សូម្បីមួយសេនលើផលិតផលថៃ ឬទៅកម្សាន្តនៅទីនោះទៀតដែរ។ ទោះជាយ៉ាងណា ក្រោយពេលហោះត្រឡប់មកដល់ទឹកដីកម្ពុជាវិញ លោក Ji Wi បានសម្តែងក្តីរំភើប និងកោតសរសើរយ៉ាងខ្លាំងចំពោះការទទួលស្គាល់ និងបដិសណ្ឋារកិច្ចយ៉ាងកក់ក្តៅ និងពោរពេញដោយភាពស្និទ្ធស្នាល ញញឹមរាក់ទាក់ពីសំណាក់មន្ត្រីគយ និងអន្តោប្រវេសន៍កម្ពុជា ដែលផ្ទុយស្រឡះពីទង្វើព្រៃផ្សៃរបស់អាជ្ញាធរថៃ។

សរុបសេចក្តីមក ព្រឹត្តិការណ៍ដ៏អយុត្តិធម៌ដែលបានកើតឡើងលើពលរដ្ឋជនជាតិបារាំង និងកូនស្រីស្លូតត្រង់រូបនេះ បានក្លាយជាភស្តុតាងមួយទៀតលាតត្រដាងពីការខ្វះក្រមសីលធម៌ និងការប្រើប្រាស់អំណាចរើសអើងជាតិសាសន៍របស់អាជ្ញាធរអន្តោប្រវេសន៍ថៃ។ ថ្វីត្បិតតែការរៀបរាប់ខាងលើ គឺជាការលាតត្រដាងជាឯកតោភាគីពីសំណាក់ម្ចាស់គណនី Ji Wi ហើយស្ថាប័នព័ត៌មានមិនទាន់ទទួលបានការបំភ្លឺផ្លូវការពីអាជ្ញាធរថៃក្តី ប៉ុន្តែវាកំពុងតែដុតបញ្ឆេះការរិះគន់យ៉ាងចាស់ដៃពីសំណាក់មហាជននៅលើបណ្តាញសង្គម ព្រមទាំងជាសារដាស់តឿនដល់អ្នកធ្វើដំណើរអន្តរជាតិទាំងអស់ ឱ្យបង្កើនការប្រុងប្រយ័ត្នខ្ពស់ចំពោះការឆ្លងកាត់ ឬធ្វើដំណើរទៅកាន់ប្រទេសថៃ៕