ទុរេនសាច់ក្រហម កំពុងក្លាយជាកសិទេសចរណ៍ថ្មីដ៏សំខាន់របស់អាស៊ាន

ផ្លែទុរេនសាច់ក្រហម គឺជាប្រភេទផ្លែឈើកម្រមួយដែលមានដើមកំណើតក្នុងតំបន់អាស៊ីអាគ្នេយ៍ នៅតំបន់កោះបូរណេអូ ប្រទេសម៉ាឡេស៊ី និងនៅលើកោះជ្វា ប្រទេសឥណ្ឌូណេស៊ី។

ពូជមកពីឥណ្ឌូណេស៊ី បានយូវ៉ាងគី Banyuwangi មានសាច់ពណ៌ក្រហមឆ្អៅ រសជាតិផ្អែម ក្លិនក្រអូបឈ្ងុយ និងមានសាច់ក្រាស់ ជាទុរេនប្រភេទដ៏ទៃ។

ដោយឡែក ពូជមកពីប្រទេសម៉ាឡេស៊ី មេរ៉ា (Merah) សាច់មានពណ៌ក្រហមភ្លឺ ស្ងួតជាងសាច់ទុរេនធម្មតា និងមានក្លិនតិចជាង។ ប្រជាជនក្នុងតំបន់ច្រើនយកសាច់របស់វាទៅចម្អិនជាម្ហូប ឬ ធ្វើទឹកជ្រលក់ម្ទេស។

ផ្លែឈើប្រភេទនេះ កំពុងត្រូវបានបណ្តាលប្រទេសជិតខាងកម្ពុជា យកចិត្តទុកដាក់ស្រាវជ្រាវ និងអភិវឌ្ឍន៍ ដើម្បីពង្រីកការដាំដុះសម្រាប់ជាផលិតផលទេសចរណ៍ និងពាណិជ្ជកម្ម។

គួរបញ្ជាក់ថា បច្ចុប្បន្ន ទុរេនសាច់ក្រហមអាចត្រូវបានគេយកមកដាំសាកល្បងតិចតួចប៉ុណ្ណោះក្នុងប្រទេសកម្ពុជា ប៉ុន្តែមិនទាន់មានការដាំដុះទ្រង់ទ្រាយធំដូចទុរេនសាច់លឿងនោះទេ៕