ឡូរីន បង្ហោះសំណេរមួយអ្នកគាំទ្រសង្ស័.យទៅកាន់អ្នក Live បាល់ទាត់ ជីងចក់

បន្ទាប់ពីបែកបាក់ជាមួយ វណ្ណដា អ្នក Live បាល់ទាត់ ជីងចក់ បានលើកឡើងពីឈ្មោះ ឡូរីន ម្តងហើយម្តងទៀតដោយស្ម័គ្រខ្លួនជាអ្នកមើលថែនាងប្រសិនជាមិនប្រកាន់ដោយធានាថានឹងមើលនាងឱ្យល្អជាង វណ្ណដា ទៅទៀត។ ពាក្យសម្តីកន្លងមករបស់អ្នក Live បាល់ទាត់ ជីងចក់ បានប្រឈមនឹងការរិះគន់ដោយចាត់ទុកថាសម្តីនោះមិនសមរម្យ។ ថ្មីៗនេះ ឡូរីន ក៏បានបង្ហោះសំណេរមួយធ្វើឱ្យមានការសង្ស័យថាចង់សំដៅមកកាន់បុគ្គលរូបនេះ។

ឡូរីន បានសរសេរជាភាសាអង់គ្លេសដែលមានអត្ថន័យថា «មនុស្សប្រុសខ្លះ អំនួតខ្ពស់ ជាង កម្ពស់ដែលខ្លួនមានទៀត! មុនចង់ធ្វើអី សូមគោរពដល់ឈ្មោះខ្ញុំផង!»។ ភ្លាមៗមនុស្សជាច្រើនសង្ស័យថាសំណេររបស់ ឡូរីន គឺចង់សំដៅទៅកាន់អ្នក Live បាល់ទាត់ ជីងចក់ មិនមែនចង់សំដៅទៅកាន់អតីតគូស្នេហ៍ឡើយ។

ការលើកឡើងរបស់ ឡូរីន បែបនេះគឺដោយសារតែអ្នក Live បាល់ទាត់ ជីងចក់ ជារឿយៗបានលើកឡើងពីឈ្មោះរបស់នាងនៅក្នុងការ Live របស់ខ្លួនបន្ទាប់ពីរូបនាងបែកបាក់ស្នេហាជាមួយនឹងតារារ៉េប។ អ្នក Live បាល់ទាត់ ជីងចក់ បានបោះសម្តីយ៉ាងឡូយដោយធានាខ្លួនមើលថែ ឡូរីន ឱ្យល្អជាង វណ្ណដា ប្រសិនជានាងបើកឱកាសមិនស្អប់ខ្ពើមខ្លួន។ លើសពីនេះបុគ្គល live បាល់រូបនេះថែមទាំងចង់អញ្ជើញនាងជាភ្ញៀវកិត្តិយសមក live ព្រឹត្តិការណ៍ World Cup ផងដែរ។

ឡូរីន ក៏ត្រូវបាន អ្នក Live បាល់ទាត់ ជីងចក់ និង ម៉ៃ សុគន្ធ ភ្នាល់គ្នាទៅវិញទៅមកក្នុងការញ៉ែ ឡូរីន ដើម្បីមានឱកាស date ជាមួយគ្នា។

ពាក្យសម្តីរបស់ អ្នក Live បាល់ទាត់ ជីងចក់បានធ្វើឱ្យអ្នកលេងបណ្តាញសង្គមជាច្រើនមិនពេញចិត្តនិងចាត់ទុកថាមិនសមរម្យយកឈ្មោះរបស់ ឡូរីន មកនិយាយលេងសើចមិនផ្តល់តម្លៃឱ្យនាង។ អ្នកខ្លះក៏ផ្លែផ្កាទៅកាន់អ្នក Live បាល់ទាត់ ជីងចក់ ថាមិនប្រមាណខ្លួនមិនមើលរូបរាងខ្លួនឯងទោះបីជាគ្មានប្រុសនៅលើលោកនេះក៏ ឡូរីន មិនទៅពាក់ព័ន្ធជាមួយដែរ៕