ក្រៅពីបារាំង កម្ពុជាធ្លាប់ស្ថិតក្រោមអាណានិគមប្រទេសមួយផ្សេងទៀត

ជប៉ុនក្នុងសង្គ្រាមលោកលើកទី២ គឺជាប្រទេសមហាអំណាច ដែលបានឈ្លានពាននៅអាស៊ី រួមទាំងវាយប្រហារកំពង់ផែ Pearl Harbor របស់អាមេរិក។

គ្រានោះជប៉ុនមានមហិច្ឆតាពង្រីកទឹកដី ដោយចង់បង្កើតតំបន់មួយឈ្មោះថា៖”តំបន់វិបុលភាពរួមអាស៊ីបូព៌ា” ដើម្បីត្រួតត្រានៅតំបន់អាស៊ីទាំងស្រុង។

ចន្លោះឆ្នាំ១៩៤១ដល់ឆ្នាំ១៩៤៥ ជប៉ុន បានដណ្តើមកាន់កាប់ប្រទេសជាច្រើន នៅតំបន់អាស៊ីអាគ្នេយ៍ រួមទាំងឥណ្ឌូចិន កម្ពុជា ហ្វីលីពីន ម៉ាឡេស៊ី និងឥណ្ឌូនេស៊ី។

នៅខែ សីហា ឆ្នាំ ១៩៤១ កងទ័ពជប៉ុនបានចូលមករដ្ឋដែនអាណាព្យាបាលបារាំងនៅកម្ពុជា ហើយបានបង្កើតយោធភូមិដែលមានចំនួនកងទ័ព ៨ ០០០ នាក់។

ជប៉ុនត្រួតត្រាកម្ពុជា ត្រឹមឆ្នាំ១៩៤៥ ក្រោយយល់ព្រមចុះចាញ់ដោយឥតលក្ខខណ្ឌនៅថ្ងៃទី២ កញ្ញា ១៩៤៥ បន្ទាប់ពីអាមេរិកទម្លាក់គ្រាប់បែកបរមាណូ២គ្រាប់។

ក្រោយមក បារាំង ក៏បានត្រលប់មកដាក់អាណានិគមជាថ្មីនៅខែតុលា ឆ្នាំ១៩៤៥ រហូតដល់ឆ្នាំ១៩៥៣ ទើបកម្ពុជាទទួលបានឯករាជ្យពេញលេញ៕