Rain ដើរតួជាមនុស្សចិត្តអាក្រក់លើកដំបូង

ស្ថិតក្នុងប្រភេទភាពយន្តប្រយុទ្ធ «Bloodhounds» រៀបរាប់ពីរឿងរ៉ាវរបស់យុវជនពីរនាក់ដែលចូលទៅក្នុងពិភពនៃការខ្ចីប្រាក់ដើម្បីរកលុយ ហើយបានជាប់ពាក់ព័ន្ធនឹងបណ្តាញនៃកម្លាំងងងឹត។ បន្ទាប់ពីរុះរើក្រុមអ្នកខ្ចីប្រាក់ក្នុងរដូវកាលទី១ Gun Woo សម្តែងដោយ Woo Do Hwan និង Woo Jin សម្តែងដោយ Lee Sang Yi ត្រៀមខ្លួនប្រឈមមុខនឹងការប្រកួតប្រដាល់ខុសច្បាប់ដែលដឹកនាំដោយ Baek Jeong សម្តែងដោយ Rain ក្នុងរដូវកាលទី ២នេះ។

៣ឆ្នាំបន្ទាប់ពីរដូវកាលទី១ Bloodhounds រដូវកាលទី២ បានត្រឡប់មកវិញសន្យាថានឹងផ្តល់នូវឈុតឆាកប្រយុទ្ធដ៏គួរឱ្យភ្ញាក់ផ្អើលនិងគួរឱ្យរំភើប។ នៅក្នុងការសម្តែងតួអង្គ Gun Woo និង Woo Jin ដែលមានស្លាកស្នាមពេញខ្លួន ប៉ុន្តែនៅតែពោរពេញដោយការតាំងចិត្ត កាន់ដៃគ្នាយ៉ាងណែនបន្ទាប់ពីរួចផុតពីសមរភូមិរាប់មិនអស់។ តួអង្គចិត្តអាក្រក់ Baek Jeong បានបង្ហាញខ្លួនជាមួយនឹងអាកប្បកិរិយាដ៏មានឥទ្ធិពល ភ្នែកមុតស្រួច និងក្បាលកោរសក់ពាក់កណ្តាល។ ដោយគ្រប់គ្រងលីកប្រដាល់ក្រោមដី មិនមែនជាជើងឯកដ៏ល្បីល្បាញនោះទេ ប៉ុន្តែជាតួអង្គដ៏ឃោរឃៅម្នាក់ហើយតួអង្គ Rain បានយកឈ្នះសូម្បីតែជើងឯកដែលកំពុងកាន់អំណាចដោយកម្លាំងដ៏លើសលប់ ហើយជ្រើសរើសគោលដៅបន្ទាប់របស់ខ្លួនដោយផ្អែកលើប្រាក់ចំណេញសុទ្ធសាធ។

ខណៈពេលដែល Woo Do Hwan និង Lee Sang Yi បានធ្វើឱ្យទស្សនិកជនចាប់អារម្មណ៍យ៉ាងខ្លាំងនៅក្នុងរដូវកាលទី ១ ឈុតឆាកប្រយុទ្ធដ៏គួរឱ្យភ្ញាក់ផ្អើលរបស់ពួកគេ ការបង្ហាញខ្លួនរបស់ Rain នៅក្នុងរដូវកាលទី ២ទទួលបានការចាប់អារម្មណ៍យ៉ាងខ្លាំង។ ជាមួយនឹងរូបរាងដ៏ខ្មៅងងឹតរបស់តួអង្គ Baek Jeong ត្រូវបានគេព្យាករណ៍ថាជាតួអង្គដ៏ខ្មៅងងឹត និងមានអំណាចបំផុតមួយដែលតារាចម្រៀងរូបនេះធ្លាប់សម្តែង។

និយាយអំពីតួនាទីរបស់ Rain បានធ្វើអត្ថាធិប្បាយថា Baek Jeong គឺជា «អាវុធរស់» ដ៏ឃោរឃៅបំផុត – ដោយគ្មានឈាម ឬទឹកភ្នែក។ ទោះបីជាសុបិនចង់ក្លាយជាជើងឯកក៏ដោយក៏តួអង្គនេះបរាជ័យនៅទីបំផុត ដូច្នេះលោកបានបង្កើតការប្រកួតប្រដាល់ខុសច្បាប់មួយនៅក្នុងស្រមោល ហើយគ្រប់គ្រងវាដូចជាស្តេច។ ខ្សែភាពយន្ត «Bloodhounds 2» គ្រោងនឹងចាក់បញ្ចាំងនៅថ្ងៃទី៣ ខែមេសា នៅលើ Netflix៕