ស្ងប់ស្ងាត់មួយរយៈការពិត ប៉ីប៉ី ឌី បានសំងំថត Dance Cover បទចម្រៀង Jennie សមាជិក BLACKPINK ដោយប្រមូលផ្តុំអ្នករាំរហូតដល់ ៧០នាក់។ តាមការបញ្ជាក់ពី ប៉ីប៉ី ឌី សាច់ប្រាក់ក្នុងការចំណាយក្នុងការថតគឺរហូតដល់ទៅ ១៧០០០ដុល្លារ ប៉ុន្តែលោកបញ្ជាក់ថាសមនឹងតម្លៃ។.png)
ជាម្ចាស់ម៉ាកយីហោល្បីឈ្មោះ ប៉ីប៉ី ឌី គឺជាអ្នកគាំទ្រធំរបស់វិស័យ K-Pop ម្នាក់ដោយបានទៅចូលរួមការប្រគំតន្រ្តីជាច្រើនដងនៅក្រៅប្រទេសមិនថាក្រុមចម្រៀងបុរសឬនារីនោះទេ។ សម្រាប់អាយដលនៅក្នុងដួងចិត្តរបស់ ប៉ីប៉ី ឌី ដែលស្រលាញ់ស្មោះស្ម័គ្រជាងគេគឺ Jimin សមាជិក BTS។ យ៉ាងណាមិញ នាពេលថ្មីៗនេះ ប៉ីប៉ី ឌី បានបង្ហាញពីគម្រោងរបស់ខ្លួនដែលសម្រិតសម្រាំងដាក់ចិត្តដាក់កាយមិនធម្មតាសម្រាប់ការ Dance Cover បទចម្រៀង Jennie។.png)
ប៉ីប៉ី ឌី បានបង្ហោះនៅលើគណនីផ្ទាល់ខ្លួនកាលពីយប់ថ្ងៃទី៤ ខែមីនា ថា «ZEN & Likes JENNIE ចំណាយអស់17K $ ចាំមើលលទ្ធផលទាំងអស់គ្នា »។ មិនយូរប៉ុន្មានលោកបានបង្ហោះសំណេរមួយទៀតថា «មើលហើយៗ សមនឹងតម្លៃដែលគ្រប់គ្នាបានខិតខំ ឡូយណាស់ មិនមែនdance coverទេ ចូលលក្ខណៈMVមួយហ្មង នែ លេងសើចអី ឆ្ងាញ់ជាងស្រុកគេទៀតណា ZEN & Likes JENNIE»។
ការ Dance Cover បទចម្រៀង Jennie ប៉ីប៉ី ឌី ធ្លាប់បានបង្ហើបថាលោកមានការពាក់ស្បែកជើងកែងហើយរាំដល់ម៉ោង៥ភ្លឺក៏មាន។ ងាកមកកាន់អ្នកគាំទ្រវិញកំពុងតែរង់ចាំយ៉ាងអន្ទះសារចង់ឃើញស្នាដៃនោះឆាប់ៗណាស់។
ក្រៅពីប្រមូលផ្តុំដោយអ្នករាំចំនួន៧០នាក់ ប៉ីប៉ី ឌី ក៏បានបង្ហើបពីឈុតសំលៀកបំពាក់ដែលមានការរចនាបំផុសគំនិតនៅក្នុង MV របស់ Jennie ផងដែរ៕
