យោធាថៃព្យាយាមបំផ្លា.ញប្រាសាទតាមាន់ធំបន្ថែម ក្រោយកម្ទេចប្រាសាទតាក្របីបានសម្រេច

ខេត្តឧត្តរមានជ័យ៖ បន្ទាប់ពីបានបំផ្លិ.ចបំផ្លា.ញប្រាសាទតាក្របីស្ទើទាំងស្រុង និងធ្វើឲ្យខូចខាតប្រាង្គប្រាសាទព្រះវិហារយ៉ាងធ្ងន់ធ្ងរ ពេលនេះយោធាថៃបានព្យាយាមតាមកម្ទេចប្រាសាទតាមាន់ធំមួយបន្ថែមទៀត។ នេះបើតាមសេចក្ដីរាយការណ៍របស់ក្រសួងការពារជាតិកម្ពុជា។

បើទោះជាមានបទឈប់បា.ញ់ នៅថ្ងៃទី១៤ ខែធ្នូ ឆ្នាំ២០២៥ យោធាថៃនៅតែបន្តធ្វើសកម្មភាពវាយប្រហារមកលើកម្ពុជាជាបន្តបន្ទាប់ ជាពិសេសនៅយោធភូមិភាគទី៤ ក្នុងភូមិសាស្រ្តប្រាសាទតាមាន់ធំ ខេត្តឧត្តរមានជ័យ។

តាមការបញ្ជាក់របស់ក្រសួងការពារជាតិ នៅម៉ោង១៦:០៤នាទី យោធាថៃបានបា.ញ់ប្រហារមកលើកកម្ពុជាដោយបង្កើនការប្រើប្រាស់គ្រាប់បែកចង្កោមយ៉ាងច្រើនសន្ធឹកសន្ធាប់ក្នុងភូមិសាស្ត្រប្រាសាទតាមាន់ធំ។

គួរជម្រាបថា សកម្មភាពរបស់យោធាថៃដូចខាងលើនេះ ធ្វើឡើងក្រោយពេលបទឈប់បា.ញ់ជាលើកទី២ ដែលប្រកាសដោយនាយករដ្ឋមន្រ្តីម៉ាឡេសុី លោក អាន់វ៉ា អុីប្រាហុីម បានជំរុញឲ្យកម្ពុជា-ថៃ បញ្ឈប់ការប្រយុទ្ធត្រឹមវេលាម៉ោង ២២៖០០ នាទីយប់ ថ្ងៃទី១៣ ខែធ្នូ បានចូលជាធរមាន។

ទោះជាយ៉ាងណាក៏ដោយ បទឈប់បា.ញ់នេះ មិនត្រូវបានទភាគីថៃព្រមទទួលយកទៅអនុវត្តនោះទេ ដោយនាយករដ្ឋមន្រ្តីថៃ បានប្រកាសតាមប្រព័ន្ធផ្សព្វផ្សាយថា ខ្លួននឹងមិនបញ្ឈប់ការប្រយុទ្ធនេះជាដាច់ខាត ហើយក៏នឹងមិនស្ដាប់តាមសម្ដីរបស់ភាគីណាមួយឡើយ រួមទាំងប្រធានាធិបតីអាមេរិក លោក ដូណាល់ត្រាំ ផងដែរ។

ការណ៍នេះបានឆ្លុះបញ្ចាំងយ៉ាងច្បាស់ ពីចេតនាពិតរបស់ថៃក្នុងការធ្វើសង្រ្គាមជាមួយកម្ពុជា ដែលវាមិនមែនជាការប្រយុទ្ធដើម្បីការពារខ្លួននោះទេ ប៉ុន្តែគឺជាការប្រើប្រាស់កម្លាំងគាបសង្កត់ ឈ្លានពាន និងរំលោ.ភលើអធិបតេយ្យភាពកម្ពុជាយ៉ាងពិតប្រាកដ៕