ការធ្វើពហិការរបស់កម្ពុជា មិនចូលរួមប្រកួតកីឡាស៊ីហ្គេមលើកទី៣៣ នៅប្រទេសថៃ នឹងធ្វើឱ្យកម្ពុជាបាត់ បង់កិត្តិយស ព្រមទាំងបំបាក់មុខអាស៊ានទាំងមូល នេះបើយោងតាមការលើកឡើងរបស់ឯកឧត្ដមបណ្ឌិតសភាចារ្យ ហង់ ជួនណារ៉ុន ឧបនាយករដ្ឋមន្ត្រី រដ្ឋមន្ត្រីក្រសួងអប់រំ យុវជន និងកីឡា ។
រដ្ឋមន្ត្រីក្រសួងអប់រំរូបនេះ បានអះអាងថា៖” រដ្ឋាភិបាលកម្ពុជាបានគិតគូរពិចារណាទាំងលំបាក ស្របពេលស្ថានភាពដ៏តានតឹង ដែលកម្ពុជាបានជួបប្រទះជាមួយថៃ មុនពេលសម្រេចចិត្តបញ្ជូនប្រតិភូគ្រូបង្វឹក និងអត្តពលិក”។
ពាក់ព័ន្ធនឹងការសំណូមពរពីមហាជនហាមមិនឱ្យបញ្ជូនអត្តពលិកទៅចូលរួម ឯកឧត្ដមបណ្ឌិតសភាចារ្យ ហង់ ជួនណារ៉ុនបានឆ្លើយតបថា៖”ការចូលរួមប្រកួតរបស់កម្ពុជា គឺដើម្បីផលប្រយោជន៍ និងមុខមាត់កិត្តិយសជាតិ លើឆាកអន្តរជាតិ”។
ឯកឧត្ដម បានសង្កត់ធ្ងន់ថា៖”នៅក្នុងករណីជួបបញ្ហាផ្សេងៗដែលនឹងប៉ះពាល់ខ្លាំង ដល់ការប្រកួតនោះកម្ពុជា នឹងបញ្ជូនអត្តពលិក ត្រឡប់មកទឹកដីកំណើតវិញភ្លាមៗ”។.png)
គួរបញ្ជាក់ថា សម្រាប់ព្រឹត្តិការណ៍សុីហ្គេមនៅប្រទេសថៃ កម្ពុជានឹងបញ្ជូនប្រតិភូកីឡា និងអត្តពលិក១៥០នាក់ទៅចូលរួម៕
