Bai Jingting សារភាពសម្ពាធក្នុងការថតរឿងដែលសហការជាមួយ Zhang Ruonan

Bai Jingting ចាត់ទុកតួនាទី Sang Yan ក្នុងរឿង «The First Frost» សហការជាមួយ Zhang Ruonan ជាបញ្ហាប្រឈមដ៏ធំមួយក្នុងអាជីពរបស់ខ្លួន។ រឿងនេះជាប្រភេទមនោសញ្ចេតនាដែលយកលំនាំតាមប្រលោមលោកដែលលក់ដាច់ ប្រាប់ពីរឿងរ៉ាវនៃការជួបជុំគ្នាដ៏រំជួលចិត្តរបស់មនុស្សពីរនាក់ដែលជាសង្សារគ្នាកាលពីនៅវិទ្យាល័យ។

Bai Jingting បានចែករំលែកថា«និយាយតាមត្រង់ ខ្ញុំមិនគិតថាខ្ញុំសង្ហា ខ្ញុំមិនសុភាពទេ ខ្ញុំគ្រាន់តែគិតថាខ្ញុំមិនស័ក្តិសមនឹងតួនាទីបែបនេះ»។ បន្ទាប់ពីបានសាងអាជីពជាមួយនឹងតួនាទីប្រភេទរឿងបែបឧក្រិដ្ឋកម្ម និងភាពយន្តប្រវត្តិសាស្ត្រ Bai Jingting បានហៅគម្រោងនេះថាជា «បញ្ហាប្រឈមដ៏ធំមួយ» ដែលជាការងារដែលលោកត្រូវការភាពចាស់ទុំដើម្បីអាចជ្រមុជខ្លួនក្នុងតួនាទី។

តារាសម្ដែងរូបនេះក៏បានបង្ហាញពីសម្ពាធផ្លូវចិត្តដែលតួអង្គបាននាំមកថា «នៅថ្ងៃចុងក្រោយនៃការថត ខ្ញុំពិតជាបានធូរស្រាលណាស់ ខ្ញុំបានប្រាប់ក្រុមការងាររបស់ខ្ញុំថា ទីបំផុតខ្ញុំអាចក្លាយជាខ្លួនឯងម្ដងទៀត»។ ដើម្បីបង្ហាញពីរូបភាពស្ងប់ស្ងាត់និងត្រជាក់របស់តួអង្គ Sang Yan Bai Jingting បានយកចិត្តទុកដាក់លើគ្រប់ទិដ្ឋភាពទាំងអស់ ចាប់ពីរចនាប័ទ្ម និស្ស័យ រហូតដល់រូបរាងរាងកាយ។ លោកបានខិតខំប្រឹងប្រែងដើម្បីរក្សារាងកាយឱ្យរឹងមាំ រៀនលំហាត់ជំនាញពីអ្នកហាត់កាយវប្បកម្ម ដើម្បីត្រៀមខ្លួនសម្រាប់ឈុតដោះអាវ។ ជាលទ្ធផល Bai Jingting បានផ្លាស់ប្តូរយ៉ាងច្បាស់ពីរូបភាពធម្មតារបស់ខ្លួនទៅជារូបរាងចាស់ទុំ រឹងមាំ និងទាក់ទាញនៅលើអេក្រង់។
ទោះជាយ៉ាងណាក៏ដោយ Bai Jingting មិនត្រឹមតែផ្តោតលើរូបរាងកាយប៉ុណ្ណោះទេលោកក៏ផ្ដោតលើការបង្ហាញពីអារម្មណ៍ស៊ីជម្រៅ ជាពិសេសក្នុងឈុតឆាកជិតស្និទ្ធ។ តារាប្រុសរូបនេះបាននិយាយថា «សម្រាប់ខ្ញុំ ការសម្ដែងចាប់ផ្តើមដោយភាពស្មោះត្រង់ ហើយអ្វីដែលស្មោះត្រង់បំផុតនៅលើមុខគឺភ្នែក»។

Bai Jingting កើតក្នុងឆ្នាំ ១៩៩៣ ហើយបានចូលប្រឡូកក្នុងវិស័យសិល្បៈក្នុងឆ្នាំ ២០១៤ ។
មុខមាត់ និងរូបរាងដ៏ប៉ិនប្រសប់របស់លោកបានជួយឱ្យ Bai Jingting ល្បីល្បាញដោយសារតួនាទីជាច្រើន។ ក្នុងរយៈពេលពីរឆ្នាំចុងក្រោយនេះ ឈ្មោះរបស់ Bai Jingting បានកើនឡើងយ៉ាងខ្លាំងជាមួយនឹងខ្សែភាពយន្តជោគជ័យជាច្រើនដែលមានប្រភេទផ្សេងៗគ្នា។ រឿងភាគប្រវត្តិសាស្ត្រជាមួយនឹងការសហការគ្នារវាង Bai Jingting និងមិត្តស្រី Song Yi ដែលចាក់ផ្សាយក្នុងឆ្នាំ ២០២៣ ត្រូវបានទស្សនិកជនចូលចិត្ត៕