អ្នកគាំទ្រពុំទាន់ឃើញ ប្រាសាទ ដាវីន បង្ហាញការគាំទ្រឬបញ្ចេញសកម្មភាពអ្វីចំពោះ ហ្វីយ៉ាតា

ជិតដល់ថ្ងៃចេញទៅប្រកួតទៅហើយប៉ុន្តែទស្សនិកជនដែលតាមដានវិស័យបវរកញ្ញាហាក់ពុំទាន់បានឃើញ ប្រាសាទ ដាវីន បវរកញ្ញាចក្រវាលកម្ពុជាឆ្នាំ២០២៤ បង្ហាញសញ្ញាឬសកម្មភាពគាំទ្រអ្វីចំពោះ ហ្វីយ៉ាតា ដែលជាបវរកញ្ញាចក្រវាលកម្ពុជាឆ្នាំ២០២៥នោះទេ។ ការណ៍នេះបានធ្វើឱ្យអ្នកគាំទ្រមួយចំនួនមានការរំពឹងទុកជាច្រើន។

ចាប់តាំងពីស៊ែរការផ្សាយបន្តផ្ទាល់វគ្គផ្តាច់ព្រ័ត្រកម្មវិធី Miss Universe Cambodia 2025 កាលពីថ្ងៃទី១២ ខែកញ្ញា ប្រាសាទ ដាវីន ហាក់ដូចជាមិនបង្ហាញសកម្មភាពផ្សេងៗចំពោះវិស័យការប្រកួតនេះឡើយ។ អ្នកមួយចំនួនថែមទាំងចង្អុលបង្ហាញថារូបគេពុំបានឃើញ ប្រាសាទ ដាវីន ដែលជា Miss Universe Cambodia 2024 ចេញមកបង្ហាញក្តីអបអរចំពោះម្ចាស់ជ័យលាភី ហ្វីយ៉ាតា ដែលគ្រងតំណែងជា Miss Universe Cambodia 2025 ខុសពីលំដាប់រងក្នុងកម្មវិធីមួយចំនួនចំនួនបានបង្ហាញការអបអរសាទរ។

ម្យ៉ាងវិញទៀត នៅពេលកម្មវិធីប្រកួតបវរកញ្ញានេះរងនូវភាពចម្រូងចម្រាសមានការវែកញែពេញបណ្តាញសង្គម ប្រាសាទ ដាវីន មិននិយាយអ្វីនោះឡើយដោយរក្សាភាពស្ងៀមស្ងាត់។ មិនត្រឹមតែអ្នកគាំទ្រសង្កេតឃើញថា ប្រាសាទ ដាវីន ហាក់ដូចជាមិនបានបង្ហាញការអបអរចំពោះ ហ្វីយ៉ាតា ប៉ុណ្ណោះទេសូម្បីតែការចុច like ឬសកម្មភាពនានាបវរកញ្ញាចក្រវាលកម្ពុជាឆ្នាំ២០២៤ ហាក់រក្សាគម្លាតពីម្ចាស់ជ័យលាភីថ្មី។

នៅពេលភាពចម្រូងចម្រាសកម្មវិធី Miss Universe Cambodia 2025 រក្សាភាពធម្មតាមកវិញ ខណៈដែល ហ្វីយ៉ាតា ត្រៀមធ្វើដំណើរទៅប្រកួតតំណាងប្រទេសនាពេលខាងមុខនេះអ្នកគាំទ្រកំពុងរង់ចាំមើលថាតើ ប្រាសាទ ដាវីន មកលើកទឹកចិត្តគាំទ្រសិស្សប្អូនដែរឬទេ?

ទោះយ៉ាងណា ដ្បិតថា ប្រាសាទ ដាវីន និង ហ្វីយ៉ាតា មិនបានបង្ហាញសកម្មភាពទំនាក់ទំនងនៅលើបណ្តាញសង្គមក្តីប៉ុន្តែគេមិនដឹងថាអ្នកទាំងពីរអាចមានសកម្មភាពនៅខាងក្រោយដែលអ្នកគាំទ្រពុំបានដឹងពីព្រោះគេដឹងថា ប្រាសាទ ដាវីន ពុំសូវផ្តោតសកម្មភាពលើបណ្តាញសង្គមណាស់ណានោះទេ។

គួរបញ្ជាក់ផងដែរថា ហ្វីយ៉ាតា នឹងធ្វើដំណើរចេញពីព្រលានយន្តហោះថ្មីឆ្ពោះទៅកាន់ទឹកដីប្រទេសថៃដើម្បីតំណាងប្រទេសក្នុងការប្រកួត Miss Universe លើកទី៧៤ នាព្រឹកថ្ងៃទី២ ខែវិច្ឆិកា ឆ្នាំ២០២៥។ ប្រាសាទ ដាវីន គឺជាបវរកញ្ញាខ្មែរដំបូងដែលអាចនាំប្រទេសកម្ពុជាបើកទ្វារចូល TOP លើកដំបូងក្នុងការប្រកួតសម្រស់ដ៏ធំនេះ។ ជាមួយនឹងអ្នកតំណាងឆ្នាំ២០២៥ អ្នកគាំទ្របង្ហាញការគាំទ្រពេញទំហឹងសម្រាប់ការប្រកួតរបស់នាងលើទឹកដីប្រទេសថៃ៕