តារាសម្ដែងហុងកុង Benz Hui ឬទស្សនិកជនស្គាល់ថាលោកបង ហួនស៊ី ដែលល្បីក្នុងខ្សែភាពយន្តជាច្រើនរបស់ស្ថានីយទូរទស្សន៍TVB បានទទួលមរណភាពក្នុងជន្មាយុ ៧៦ ឆ្នាំដោយសារជំងឺមហារីកនៅព្រឹកថ្ងៃទី ២៨ ខែតុលា។.png)
យោងតាម St Headline សាច់ញាតិរបស់សិល្បករជើងចាស់រូបនេះបាននិយាយថា នៅប៉ុន្មានថ្ងៃមុនពេលគាត់លាចាកលោក រាងកាយរបស់គាត់អស់កម្លាំងខ្លាំង ហើយគ្រួសាររបស់គាត់បាននៅក្បែរគាត់ដើម្បីមើលថែគាត់ក្នុងនាទីចុងក្រោយរបស់គាត់។ លើកចុងក្រោយដែលលោកបង្ហាញមុខជាសាធារណៈគឺនៅក្នុងពិធីជប់លៀង Mid-Autumn Festival សម្រាប់សិល្បករ។
ក្នុងប៉ុន្មានខែថ្មីៗនេះ លោក Benz Hui បានធ្វើការជាធម្មតា ដោយម្តងម្កាលថតវីដេអូជាមួយកូនស្រីរបស់លោក។ ស្ថានភាពរបស់គាត់កាន់តែអាក្រក់ទៅៗ ភ្លាមៗនោះ សាច់ញាតិ និងមិត្តភក្តិរបស់គាត់ មានការតក់ស្លុតជាខ្លាំង។
កាលពីថ្ងៃទី២៧ ខែតុលា សិល្បករជាង ២០នាក់បានទៅមន្ទីរពេទ្យដើម្បីសួរសុខទុក្ខតារាសម្ដែងរួមមាន Charmaine Sheh , ស្តេចល្បែងអាចែ (Chow Yun Fat), Bosco Wong និងតារាជាច្រើនរូបទៀត។ តារាសម្តែង Charmaine Sheh ជាតារាសម្តែងដែលធ្លាប់សម្តែងជាមួយលោកបង ហួនស៊ី ជាច្រើនដង។ ដើមឡើយរូបនាងមានគម្រោងទៅទីក្រុងប៉េកាំងដើម្បីចូលរួមព្រឹត្តិការណ៍មួយ ប៉ុន្តែ បានលុបចោលកាលវិភាគរបស់នាងដើម្បីទៅសួរសុខទុក្ខលោក Benz Hui នៅមន្ទីរពេទ្យ។
លោក Benz Hui Siu Hung បានរៀបការក្នុងឆ្នាំ ១៩៩២ ហើយមានកូនស្រីម្នាក់អាយុ ២៨ ឆ្នាំ។ កើតនៅថ្ងៃទី ៤ ខែវិច្ឆិកាឆ្នាំ ១៩៤៨ លោកបានចាប់ផ្តើមអាជីពសម្តែងរបស់ខ្លួននៅឆ្នាំ ១៩៧២។ លោក Benz Hui គឺជាមុខមាត់ដែលធ្លាប់ស្គាល់នៅលើអេក្រង់ហុងកុង ដោយបានចូលរួមក្នុងការងារភាពយន្ត និងទូរទស្សន៍ជិត២០០។ លោកបានសាងភាពល្បីល្បាញតាមរយៈរឿង You’re Hired (២០០៩)», Line Walker (២០១៤), Modern Dynasty (២០២២ និង ២០២៤) និងរឿង Themis នាពេលខាងមុខ។ .png)
ទឹកមុខនិងការសម្ដែងរបស់លោកបានបន្សល់ទុកនូវការចាប់អារម្មណ៍យ៉ាងខ្លាំងដល់ទស្សនិកជនជាច្រើន។ នៅក្នុងឧស្សាហកម្មទូរទស្សន៍លោកត្រូវបានគេកោតសរសើរយ៉ាងខ្លាំងចំពោះការសម្តែង។ តារារូបនេះធ្លាប់និយាយថាការសម្ដែងគឺដូចជាជីវិត វាផ្តល់កម្លាំងចិត្តក្នុងការរស់នៅ ដូច្នេះហើយលោកគ្មានចេតនាឈប់ធ្វើការនោះទេ៕
