Zhang Linghe សារភាពថាខ្លួនមិនពូកែបញ្ចេញអារម្មណ៍ព្រោះតែហេតុផលនេះ

Zhang Linghe ជាតារាសម្ដែងដ៏មានប្រជាប្រិយភាពមួយរូបនៅក្នុងអាជីពសិល្បៈចិនលេចមុខទាំងក្នុងរឿងភាគបុរាណនិងសម័យ ហើយបង្ហាញខ្លួនជាមនុស្សស្ងប់ស្ងាត់ និងកម្របង្ហាញអារម្មណ៍ណាស់។ យ៉ាងណាមិញ ក្នុងជំនួបជាមួយអ្នកគាំទ្រកាលពីពេលថ្មីៗនេះ លោកបានចែករំលែករឿងស្មោះត្រង់មួយចំនួនដែលធ្វើឱ្យទស្សនិកជនចាប់អារម្មណ៍។

Zhang Linghe បានសារភាពថា «បរិយាកាសដែលខ្ញុំធំដឹងក្តី ធ្វើឱ្យបុគ្គលិកលក្ខណៈរបស់ខ្ញុំមិនសូវពូកែបញ្ចេញអារម្មណ៍ ប៉ុន្តែអរគុណដល់អ្នកគាំទ្រក្នុងរយៈពេលពីរឆ្នាំមកនេះ ខ្ញុំបានរៀនពីវិធីបង្ហាញពីក្តីស្រលាញ់ក្នុងចិត្តបន្តិចម្តងៗ។ ខ្ញុំបានរៀនពីរបៀបបង្ហាញវា»។ ការសារភាពបែបសាមញ្ញ ប៉ុន្តែអារម្មណ៍បង្ហាញពីការផ្លាស់ប្តូរដ៏អស្ចារ្យពីក្នុងខ្លួន Zhang Linghe ពីមនុស្សជិតស្និទ្ធទៅជាការហ៊ានបង្ហាញការដឹងគុណ និងសេចក្តីស្រឡាញ់។

មិនត្រឹមតែទទួលបានក្តីស្រលាញ់ពីអ្នកគាំទ្រប៉ុណ្ណោះទេ Zhang Linghe ក៏តែងតែរកវិធី «តបស្នង» ដើម្បីបង្ហាញពីក្តីបារម្ភរបស់ខ្លួន។ តារាប្រុសរូបនេះបានចែករំលែកថា «អ្នករាល់គ្នាមកពីកន្លែងផ្សេងៗគ្នា វាពិបាកណាស់ក្នុងការមកទីនេះ ខ្ញុំមិនចង់ឱ្យអ្នករាល់គ្នារងទុក្ខទៀតទេ»។

សេចក្តីស្រលាញ់ដ៏ស្មោះស្ម័គ្រដែលអ្នកគាំទ្រមានចំពោះ Zhang Linghe គឺជាប្រភពនៃកម្លាំងចិត្តដែលជួយលោកឱ្យកែលម្អខ្លួនជានិច្ច ដោយរៀនបើកបេះដូង និងបង្ហាញពីក្តីស្រឡាញ់របស់ខ្លួនបន្ថែមទៀត។ ភាពស្មោះត្រង់នោះធ្វើឱ្យរូបភាពរបស់ Zhang Linghe កាន់តែកក់ក្ដៅ និងកាន់តែជិតស្និទ្ធក្នុងចិត្តអ្នកគាំទ្រ។

គួរឱ្យដឹងថា ទស្សនិកជនកំពុងរង់ចាំយ៉ាងអន្ទះសារចំពោះភាពយន្ដ «Overdo» របស់ Zhang Linghe និង Wang Churan ដែលបានបញ្ចប់ការថតរួចរាល់ហើយដែរ។ តាមរយៈរូបភាពនិងវីដេអូខ្លីៗដែលបង្ហោះនៅលើបណ្តាញសង្គមតួឯកទាំងពីរទទួលបានការចាប់អារម្មណ៍យ៉ាងខ្លាំងថែមទាំងមានមតិសរសើរជាច្រើនថាអ្នកទាំងពីរសមគ្នា៕