រដ្ឋាភិបាល គ្រោងនឹងរុះរើ អង់តែនទូរទស្សន៍ទួលគោក ទៅកាន់តំបន់ជាយរាជធានីភ្នំពេញ ដើម្បីកាត់បន្ថយការកកស្ទះ។
យោងតាមឯកឧត្តមសាយ សំអាល់ រដ្ឋមន្ត្រីក្រសួងរៀបចំដែនដី នគរូបនីយកម្ម និងសំណង់ បានថ្លែងថា៖”អង់តែនទួលគោក នឹងត្រូវរុះរើចេញ ដើម្បីពង្រីកផ្លូវ ពីអង់តែន រហូតដល់ទីក្រុងរណបកាំកូសុីធី ព្រោះបច្ចុប្បន្ននៅម្ដុំនោះមានការកកស្ទះចរាចរណ៍ជាខ្លាំង ដោយសារតែផ្លូវមានលក្ខណៈតូចចង្អៀត”។
រដ្ឋមន្ត្រីរូបនេះ បានសង្កត់ធ្ងន់ថា៖” ក្នុងការរុះរើចេញនេះ ផ្តោតសំខាន់ក្នុងការជួយសម្រួលចរាចរណ៍ឱ្យបងប្អូនប្រជាពលរដ្ឋធ្វើដំណើរពីក្នុងក្រុង មកទិសខាងជើងរាជធានីភ្នំពេញ ដោយមិនមានការកកស្ទះ”។
បើតាមព័ត៌មានចចាមអារ៉ាមខ្លះបានលើឡើងថា៖”រដ្ឋាភិបាលនឹងលើកអង់តែនទូរទស្សន៍ទួលគោក យកទៅដាក់នៅតំបន់ជាយរាជធានី ជាតំបន់ដែលរដ្ឋាភិបាលត្រៀមចំណាយ៥០លានដុល្លារ បង្កើតរមណីយដ្ឋានលំហែរកា រៀបចំសួនច្បារ និងកន្លែងកំសាន្ត”៕.png)
