Bai Lu បង្ហាញរូបរាងថ្មីជាមួយនឹងសក់ពណ៌ផ្កាឈូកបន្ទាប់ពីមានបញ្ហាសុខភាព

ថ្មីៗនេះ Bai Lu បានទាក់ទាញការចាប់អារម្មណ៍នៅពេលចូលរួមក្នុងព្រឹត្តិការណ៍មួយសម្រាប់ម៉ាកវ៉ែនតាមួយនៅទីក្រុង Hangzhou ប្រទេសចិន។ នេះជាលើកទីមួយហើយដែល តារាស្រីរូបនេះ បង្ហាញខ្លួនជាសាធារណៈបន្ទាប់ពីលាបពណ៌សក់ពណ៌ផ្កាឈូកគួរឱ្យទាក់ទាញ។ Bai Lu ស្លៀករ៉ូបពណ៌ខ្មៅជាមួយការរចនាដោយម៉ាក Chanel រួមជាមួយគ្រឿងអលង្ការ De Beers ដែលនាងជាតំណាងនិងវ៉ែនតាទាន់សម័យ។

ជាមួយនឹងសក់ពណ៌ផ្កាឈូករបស់ Bai Lu ត្រូវបានចងជាកន្ទុយសេះក្នុងរចនាប័ទ្មយុវវ័យ ប្រកបដោយភាពស្វាហាប់ នាំមកនូវរូបភាពប្លែកៗ។ ពេញមួយអាជីពរបស់នាង Bai Lu តែងតែត្រូវបានផ្សារភ្ជាប់ជាមួយនឹងសក់វែង ខ្មៅ និងរូបភាពផ្អែមល្ហែម។ នាងត្រូវបានគេស្គាល់ថាសម្រាប់តួនាទីជាប្រវត្តិសាស្ត្រជាច្រើនដូច្នេះការរក្សាសក់ពណ៌ខ្មៅដើម្បីភាពងាយស្រួលក្នុងការបង្កើតរូបភាពរបស់នាងក្នុងអាជីពជាតារាសម្តែង។ ដូច្នេះហើយ អ្នកគាំទ្រមានការភ្ញាក់ផ្អើល នៅពេលដែល Bai Lu សម្រេចចិត្តប្តូរពណ៌សក់របស់នាងក្នុងវ័យ៣១ឆ្នាំនេះ។

Bai Lu ក៏ទើបតែបញ្ចប់ការថតរឿងភាគប្រវត្តិសាស្ត្ររឿង «Moli» ហើយមានពេលសម្រាកច្រើន ទើបនាងមានឱកាសធ្វើអ្វីដែលនាងចូលចិត្ត។ កន្លងមកក្នុងពិធីបិទការថតរឿង «Moli » នាពាក់កណ្តាលខែតុលា Bai Lu បង្កក្តីបារម្ភនៅពេលបង្ហើបថានាងមានជំងឺ «ពិបាកធ្វើរោគវិនិច្ឆ័យ»។ តារាស្រីរូបនេះចាប់ផ្ដើមមានការឈឺក្បាលជាប់រហូត ហើយឈឺរាលដាលពីក្បាលចុះដល់ឆ្អឹងកងខ្នង និងក ក្នុងខែកក្កដា។
ដល់ខែសីហា នាងត្រូវផ្អាកសកម្មភាពសាធារណៈស្ទើរតែទាំងអស់ ដើម្បីផ្តោតលើការព្យាបាល។ ក្នុងអំឡុងពេលនេះ Bai Lu មិនអាចញ៉ាំអាហារធម្មតាបានទេ ដោយសារការឈឺចាប់ខ្លាំង ទម្ងន់របស់នាងនៅពេលមួយធ្លាក់ចុះមកត្រឹមតែ ៤៣ គីឡូក្រាម រាងកាយ និងចិត្តរបស់នាងចុះខ្សោយយ៉ាងខ្លាំង។

Bai Lu បានទៅពិនិត្យច្រើនកន្លែង ប៉ុន្តែនៅមិនទាន់អាចកំណត់ពីមូលហេតុច្បាស់លាស់។ វេជ្ជបណ្ឌិតបានចាត់ថ្នាក់ជំងឺរបស់នាងជាបណ្តោះអាសន្នថាជា «ពិបាកក្នុងការធ្វើរោគវិនិច្ឆ័យ»។ ជាចុងក្រោយ ដោយសារការរួមផ្សំនៃការចាក់ម្ជុលវិទ្យាសាស្ត្រ និងថ្នាំ រោគសញ្ញាបានធូរស្រាលបន្តិចម្តងៗ។ នៅខែកញ្ញា ស្ថានភាពសុខភាពរបស់ Bai Lu មានភាពប្រសើរឡើងគួរឱ្យកត់សម្គាល់៕