បទ «Seven» របស់ Jungkook ពង្រីកកំណត់ត្រា

បទចម្រៀង «Seven» របស់ Jungkook សមាជិក BTS បានបង្កើតប្រវត្តិសាស្ត្រដោយក្លាយជាបទចម្រៀងដែលជាប់ចំណាត់ថ្នាក់បានយូរបំផុតដោយសិល្បករទោលអាស៊ីនៅលើតារាង Billboard Global 200 ។

យោងតាមតារាងចុងក្រោយបំផុតដែលចេញផ្សាយដោយ Billboard នៅថ្ងៃទី ១១ ខែតុលា «Seven» ជាប់ចំណាត់ថ្នាក់ទី ១៣២ នៅលើ Global 200 ដោយកត់សម្គាល់ ១១៥ សប្តាហ៍ជាប់ៗគ្នានៅលើតារាងចាប់តាំងពីការចេញផ្សាយរបស់វា ដែលជាចំនួនកំណត់ត្រាសម្រាប់សិល្បករទោលមកពីអាស៊ី។ តារាង Billboard Global 200 គឺផ្អែកលើការផ្សាយ និងទិន្នន័យលក់ឌីជីថលពីជាង 200 ប្រទេស រួមទាំងសហរដ្ឋអាម៉េរិកផងដែរ។

ជាមួយនឹងសមិទ្ធិផលថ្មីនេះ «Seven» មិនត្រឹមតែវ៉ាដាច់កំណត់ត្រាមុនៗរបស់ខ្លួនប៉ុណ្ណោះទេ ប៉ុន្តែថែមទាំងក្លាយជាបទចម្រៀងដែលជាប់ចំណាត់ថ្នាក់បានយូរបំផុតដោយសិល្បករទោលអាស៊ីម្នាក់ក្នុងប្រវត្តិសាស្ត្រតារាង។ មិនតែប៉ុណ្ណោះបទនេះក៏បានជាប់ចំណាត់ថ្នាក់ទី ៧៨នៅលើតារាង «Global Excl. US» ដោយកត់ត្រាវត្តមាន ១១៦ សប្តាហ៍ជាប់ៗគ្នា។ សមិទ្ធិផលនេះធ្វើឱ្យ Jungkook ក្លាយជាសិល្បករទោលអាស៊ីដំបូងគេដែលរក្សាវត្តមានជាប់លាប់បែបនេះនៅលើតារាងពិភពលោករបស់ Billboard ទាំងពីរ។

មុនពេលការចេញផ្សាយរបស់ខ្លួន «Seven» បានធ្វើឱ្យមានការភ្ញាក់ផ្អើលយ៉ាងខ្លាំងនៅពេលដែលវាឈរនៅលើកំពូលតារាង Billboard Hot 100 ក្នុងសប្តាហ៍ដំបូងរបស់ខ្លួនដោយឈរនៅទីនោះអស់រយៈពេល ១៥ សប្តាហ៍ជាប់ៗគ្នា ហើយក៏បានកាន់កាប់តំណែងលេខ ១ នៅលើ Billboard Global 200 អស់រយៈពេល៧ សប្តាហ៍ផងដែរ។ នៅចក្រភពអង់គ្លេស បទចម្រៀងនេះក៏បានបង្ហាញខ្លួននៅលេខ ៣ នៅលើតារាង UK Official Singles Top 100 ដែលធ្វើឱ្យ Jungkook ក្លាយជាសិល្បករទោល K-pop ដំបូងគេដែលមានបទចម្រៀងឈរនៅទីនោះរយៈពេល ១៤ សប្តាហ៍ជាប់ៗគ្នា។

នៅលើ Spotify «Seven បានរក្សាវត្តមានស្ថិរភាពនៅលើតារាង Weekly Top Songs Global ១១៧សប្តាហ៍ជាប់ៗគ្នា ខណៈដែលមានអ្នកស្តាប់លើសពី ២.៥៨ ពាន់លានដង ដែលបន្តជាបទចម្រៀងដែលមានចំនួនការផ្សាយខ្ពស់បំផុតដោយសិល្បករអាស៊ីរហូតមកដល់បច្ចុប្បន្ន។ ជាមួយនឹងសមិទ្ធិផលដ៏គួរឱ្យចាប់អារម្មណ៍នេះ Jungkook នៅតែបន្តអះអាងពីឥទ្ធិពលសកលរបស់ K-pop ខណៈពេលដែលលោកមានឈ្មោះក្នុងបញ្ជីសិល្បករទោលអាស៊ីជាមួយនឹងសញ្ញាសម្គាល់យូរអង្វែងបំផុតនៅលើតារាងអន្តរជាតិ៕