បន្ទាប់ពីរក្សាការសម្ងាត់ជាច្រើនថ្ងៃមកទីបំផុតអ្នកគាំទ្របានឃើញរូបភាព Taylor Swift ចូលរួមពិធីមង្គលការមិត្តល្អ Selena Gomez ហើយ។ Taylor Swift គឺជាភ្ញៀវដែលគួរឱ្យកត់សម្គាល់បំផុតនៅក្នុងកម្មវិធី Selena Gomez និង Benny Blanco ព្រោះតារាចម្រៀងស្រីទាំងពីរដួងនេះជាមិត្តល្អជិតពីរទសវត្សរ៍មកហើយ។
ក្នុងកម្មវិធីជជែកជាមួយ Jimmy Fallon តារាចម្រៀង Taylor Swift បានបង្ហើបថានាងសប្បាយចិត្តខ្លាំងណាស់សម្រាប់ Selena Gomez ។ Taylor Swift បានរៀបរាប់ពីមិត្តភាពរបស់ពួកគេតាំងពីឆ្នាំ២០០៨។ នៅក្នុងពិភពហូលីវូដដែលមានភាពរអាក់រអួល និងប្រែប្រួល ជាកន្លែងដែលទំនាក់ទំនងតែងតែកើតឡើងយ៉ាងឆាប់រហ័ស មិត្តភាពរវាង Taylor Swift និង Selena Gomez លេចធ្លោជារឿងនិទានទំនើប ដែលជាឧទាហរណ៍ដ៏កម្រនៃចំណងដ៏រឹងមាំដែលមានរយៈពេលជាងមួយទសវត្សរ៍។ ពួកគេមិនត្រឹមតែជាតារាធំៗក្នុងវិស័យសិល្បៈប៉ុណ្ណោះទេ ប៉ុន្តែក៏ជាមិត្តរួមសុខទុក្ខជាមួយគ្នា។.png)
ទំនាក់ទំនងរបស់ Taylor Swift និង Selena Gomez បានចាប់ផ្តើមនៅក្នុងឆ្នាំ ២០០៨ នៅពេលដែលពួកគេទាំងពីរបានណាត់ជួបបុរសពីរនាក់ជាបងប្អូន Jonas ។ ថ្វីដ្បិតតែទំនាក់ទំនងទាំងនេះមិនស្ថិតស្ថេរយូរក្តី ប៉ុន្តែនោះជាកត្តាជំរុញឱ្យតារាចម្រៀងទាំងពីររូបស្វែងរកគ្នាទៅវិញទៅមក។ ពីទីនោះ មិត្តភាពដ៏រឹងមាំមួយត្រូវបានបង្កើតឡើងដោយយកឈ្នះលើអាយុ Taylor Swift បង Selena ៣ ឆ្នាំនិងការប្រជែងគ្នាក្នុងអាជីពសិល្បៈ។ ក្នុងរយៈពេល ១៦ ឆ្នាំកន្លងមកនេះអ្នកទាំងពីរបានឆ្លងកាត់ព្រឹត្តិការណ៍សំខាន់ៗជាច្រើនដែលមិនអាចបំភ្លេចបាននៅក្នុងអាជីព និងជីវិតផ្ទាល់ខ្លួនរបស់ពួកគេជាមួយគ្នា។
ពួកគេបានបង្ហាញខ្លួននៅលើកម្រាលព្រំក្រហមជាមួយគ្នា គាំទ្រអាជីពរបស់គ្នាទៅវិញទៅមក និងចំណាយពេលលេងជាមួយគ្នា។ អ្វីដែលធ្វើឱ្យចំណងមិត្តភាពរបស់ពួកគេពិសេសគឺពួកគេបាននៅទីនោះសម្រាប់គ្នាទៅវិញទៅមកក្នុងគ្រាលំបាកបំផុត។ Taylor Swift គឺជាដៃគូជាប់លាប់របស់ Selena តាមរយៈការប្រយុទ្ធរបស់នាងជាមួយនឹងជំងឺលុយពីស បញ្ហាសុខភាពផ្លូវចិត្ត និងសូម្បីតែរឿងបែកបាក់ស្នេហាជាពិសេសជាមួយ Justin Bieber។
ចំណែក Selena បាននៅក្បែរ Taylor Swift តាមរយៈរឿងអាស្រូវសាធារណៈរបស់នាង ការខូចចិត្ត និងការតស៊ូក្នុងអាជីព។ ប៉ុន្មានឆ្នាំមកនេះ មិត្តភាពរបស់អ្នកទាំងពីរបានប្រឈមមុខនឹងពាក្យចចាមអារ៉ាមអំពីភាពប្រេះឆា ជាពិសេសនៅពេលដែលពួកគេកាន់តែមានភាពឯកជនអំពីទំនាក់ទំនងរបស់ពួកគេ។ ទោះជាយ៉ាងណាក៏ដោយ រាល់ពេលដែលលេចលឺពាក្យចចាមអារ៉ាម ពួកគេបានរហ័សរហួនជាមួយរូបថត និងសារដែលបង្ហាញពីការប្តេជ្ញាចិត្តទៅលើមិត្តភាពរបស់អ្នកទាំងពីរ៕
