បណ្ឌិត យ៉ង់ ពៅ៖ ដ្បិតកម្ពុជាកំពុងបន្តអត់ធ្មត់ ប៉ុន្តែក៏ត្រូវត្រៀមខ្លួនសម្រាប់ធ្វើសង្គ្រា.មប្រឆាំងនឹងរដ្ឋពា.លផងដែរ

ភ្នំពេញ៖ អ្នកជំនាញវិទ្យាសាស្រ្តនយោបាយ និងជាអគ្គលេខាធិការនៃរាជបណ្ឌិត្យសភាកម្ពុជា លោកបណ្ឌិត យង់ ពៅ បានលើកឡើងពីជំហររបស់លោកក្នុងការគាំទ្រចំពោះការបន្តអត់ធ្មត់ជាអតិបរមារបស់រាជរដ្ឋាភិបាលកម្ពុជា ប៉ុន្តែក៏ត្រូវត្រូវត្រៀមខ្លួនឱ្យរួចរាល់ជានិច្ចសម្រាប់ធ្វើសង្រ្គា.មទប់ទល់នឹងរដ្ឋពា.លឈ្លានពានថៃផងដែរ។

បើតាមការបង្ហោះសំណេរនៅលើទំប័រហ្វេសប៊ុក កាលពីថ្ងៃសុក្រ ទី២៦ ខែកញ្ញា ឆ្នាំ២០២៥ លោកបណ្ឌិត យ៉ង់ ពៅ បានមានប្រសាសន៍យ៉ាងដូច្នេះថា៖ ខ្ញុំ បញ្ជាក់ជំហរ គាំទ្រចំពោះការបន្តអត់ធ្មត់ជាអតិបរមា និងត្រូវត្រៀមខ្លួនឱ្យរួចរាល់ និងស្វាហាប់ទប់ទល់នឹងរដ្ឋពាលឈ្លានពានកម្ពុជាយើង។ ខណៈថៃ ជារដ្ឋពាល និងចោ.រនៅអាស៊ាន ដូច្នេះគេបាននិងកំពុងធ្វើសកម្មភាពច្រឡោងខាមតាមរបៀបចោរនិងរដ្ឋពាល។

បើតាមការពន្យល់របស់លោក ចំពោះពាក្យថា «រដ្ឋពាល » ដែលលោកបានយកមកប្រើប្រាស់ក្នុងការចង្អុលបង្ហាញទៅកាន់ភាគីថៃនោះ គឺមានន័យចង់សំដៅដល់រដ្ឋដែលមិនគោរពគោលការណ៍ ឬច្បាប់ ឬក្រមសីលធម៌ការទូតអន្តរជាតិ និងកាចសាហាវព្រៃផ្សៃគ្មានមនុស្សធម៌។

លោកបានបន្តថា៖ កម្ពុជា ប្រកាន់ខ្ជាប់នូវសុចរិភាពចំពោះច្បាប់អន្តរជាតិ ដូច្នោះយើងត្រូវបន្ត យន្តការច្បាប់អន្តរជាតិ បង្កើនល្បឿនការទូតជាពិសេសជាមួយ UNSC, ASEAN, EU រួមនឹងស្ថាប័នអន្តរជាតិច្បាប់ ICJ & ICC។ ម្យ៉ាងទៀត ប្រសិនបើច្រឡោតតាមថៃ ផ្ទុះសង្គ្រាម នោះហាក់យើងចូលក្នុងសេណារីយ៉ូរបស់ថៃ ហើយថែមទាំងរងគ្រោះបន្ថែម។

ជាមួយគ្នានេះ លោកបណ្ឌិតក៏បានគូសបញ្ជាក់ផងដែរថា៖ ដ្បិតតែកម្ពុជាយើង បន្តអត់ធ្មត់ជាអតិបរមា ប៉ុន្តែកម្ពុជា ក៏ត្រូវលក្ខណៈរួចរាល់សម្រាប់ធ្វើសង្គ្រាមផងដែរ។ និយាយរួមយើងប្រកាន់ឥរិយាបថបន្តអត់ធ្មត់ជាអតិបរមា ប៉ុន្តែត្រូវសកម្មជាអតិបរមា (អភិវឌ្ឍសមត្ថភាពគ្រប់វិស័យ បង្កើនច្រករបៀងការទូត ជំរុញផ្សព្វផ្សាយការពិតទៅពិភពលោក…)។