អួយក្តែងៗថាកម្មវិធីរបស់ខ្លួនរៀបចំតាមបែប Professional ពេលនេះបុគ្គល ណាវ៉ាត់ រងការសើចចម្អក ឌឺដង វិញព្រោះតែរៀបចំកម្មវិធី Miss Universe Thailand ចំណាយអស់រាប់លានបែរជាឆៀងសម្រាប់បំពាក់ឱ្យបវរកញ្ញាខុសតួអក្សរទៅវិញ។
ដូចអ្នកតាមដានវិស័យបវរកញ្ញាជ្រាបមកហើយថា ណាវ៉ាត់ ធ្លាប់និយាយដាក់លោកស្រី អ៊ឹម សុគន្ធា ថារៀបចំកម្មវិធីមិន Professional រហូតបញ្ឈប់ការរៀបចំកម្មវិធីពាក់កណ្តាលទីនៅប្រទេសកម្ពុជា។ ទោះយ៉ាងណា ទំនងជាផលតបស្នងវិញហើយព្រោះអ្នករៀបចំកម្មវិធីបែប Professional រៀបចំឆៀងមិនយកចិត្តទុកដាក់ធ្វើឱ្យពាក្យ Universe ខុសអក្សរត្រូវតែម្ចាស់មកុដប៉ុណ្ណោះ។
កម្មវិធីប្រកួត Miss Universe Thailand ក្រោមការដឹកនាំរបស់ ណាវ៉ាត់ ដែលពោរពេញដោយភាពចម្រូងចម្រាសធ្វើឱ្យកម្មវិធីលំដាប់ខ្ពស់អាប់មុខមាត់បានរកឃើញម្ចាស់មកុដហើយគឺបានទៅលើ Veena Praveenar ដែលមានឈាមឥណ្ឌាពេញខ្លួនកើតនៅប្រទេសថៃ។ ក្រោមការដឹកនាំរបស់បុគ្គលនេះគឺធ្វើឱ្យបេក្ខភាពមួយចំនួនបាត់បង់សតិ ប្រើប្រាស់វេទិកា នេះចោទមកខាងកម្ពុជាជុំវិញជម្លោះព្រំដែនព្រោះតែរណបម្ចាស់កម្មវីធីអសីលធម៌គឺបុគ្គល ណាវ៉ាត់ នេះឯង។
អ្វីដែលគួរឱ្យចាប់អារម្មណ៍នោះ ណាវ៉ាត់ តែងអួតក្តែងៗថាខ្លួនជាអ្នករៀបចំកម្មវិធីបែប Professional ដៀលខាងអ្នករៀបចំកម្មវិធីនៅស្រុកខ្មែររៀបចំមិន Professional បែរជាភ្លាត់ស្នៀតបន្សល់ទុកនូវក្តីអាម៉ាស់ព្រោះតែអ្នកជាប់លំដាប់រងផ្សេងទៀតរបស់ Miss Universe Thailand បែរជាឆៀងរបស់ពួកគេខុសអក្សរទៅវិញ។.png)
គួរបញ្ជាក់ផងដែរថាចាប់តាំងពីបុគ្គល ណាវ៉ាត់ ជ្រៀតជ្រែងក្នុងកម្មវិធី Miss Universe បានធ្វើឱ្យកម្មវិធីសម្រស់ដ៏ធំមួយនេះធ្លាក់ចុះកេរ្តិ៍ឈ្មោះយ៉ាងខ្លាំង។ បុគ្គលនេះថែមទាំងឱ្យបេក្ខភាព Miss Universe Thailand 2025 Live លក់ផលិតផលបានកាន់តែច្រើនពិន្ទុបានកាន់តែច្រើនដែលយកកម្មវិធីនេះបានជាន់ឈ្លីកេរ្តិ៍ឈ្មោះធ្វើដូចជាកម្មវិធី Miss Grand ៕
