ប្រិយមិត្តអ្នកតាមដានវិស័យបវរកញ្ញាជ្រាបមកហើយថាបេក្ខភាពបវរកញ្ញាចក្រវាលថៃ២០២៥ម្នាក់ដែលជាកូនថៃកាត់ខ្មែរ ហេតុតែចង់ទូលមកុដនិយាយទាំងគ្មានភាពអៀនខ្មាសរឿងសោកស្តាយមានឈាមជ័រខ្មែរ។ យ៉ាងណាមិញ Phimphakdee ស្រាប់តែដួលលើឆាកពេញទំហឹងជាមួយនឹងរ៉ូបពណ៌លឿងឆ្អិនឆ្អៅ ខណៈមនុស្សជាច្រើនជឿថានេះហើយជាកម្មពារដែលនាងទទួលព្រោះតែជាមនុស្សភ្លេចកំណើត។
កាលពីយប់ថ្ងៃទី១០ ខែសីហា កម្មវិធីប្រកួតបវរកញ្ញាចក្រវាលថៃគ្រប់គ្រងដោយ ណាវ៉ាត់ បានដំណើរការកម្មវិធីរបស់ខ្លួនជាធម្មតា។ ទោះយ៉ាងណាចំណុចមួយដែលធ្វើឱ្យមានការចាប់អារម្មណ៍នៅលើបណ្តាញសង្គមកម្ពុជាគឺដោយសារតែបេក្ខភាព Miss Universe Phuket 2025 ដួលលើឆាក។ នៅពេលដើរលើឆាកជាមួយនឹងរ៉ូបវែងពណ៌លឿងឆ្អិនឆ្អៅដែលហាក់ដូចពិបាកដើរ Naruemol Phimphakdee គឺបានចាប់ផ្តើមមិនស្រួលតាំងពីដើរដំបូងៗម្ល៉េះស្ទើរតែភ្លាត់ស្នៀតទៅហើយ។.png)
ការទប់ជំហររបស់ Phimphakdee នៅតែមិនអាចស្រោចស្រង់បានព្រោះមិនយូរប៉ុន្មានបេក្ខភាពរូបនេះបានដួលពេញទំហឹងតែម្តង។ ឃើញរូបភាពនេះហើយបានធ្វើឱ្យអ្នកលេងបណ្តាញសង្គមកម្ពុជាជាច្រើនគិតថានេះហើយជាបាបកម្មដែលនាងភ្លេចកំណើត។ 
មិនមែនជាការសើចចំអកឡកឡឺយទាំងមិនមានហេតុផលនោះទេ ការដែលមនុស្សជាច្រើនមិនអាណិតនាងដោយសារតែនាងធ្វើដាក់មកលើអ្នកគាំទ្រកម្ពុជាមុន។
កាលពីពេលកន្លងមកនេះ Naruemol Phimphakdee បានបាត់បង់ភាពអៀនខ្មាសនិងសេចក្តីថ្លៃថ្នូរនៅក្នុងខ្លួនបានយំរៀបរាប់ពីទុក្ខសោកដែលម្តាយរបស់នាងតែងតែសូមទោសដែលនាងមានឈាមជ័រជាខ្មែរ។ ការនិយាយបែបនេះដោយសារតែនាងចង់បានពិន្ទុពី ណាវ៉ាត់ ហើយចង់ទូលមកុដបវរកញ្ញាចក្រវាលថៃ២០២៥ ស្របពេលប្រទេសខ្មែរនិងថៃមានបញ្ហាជាមួយគ្នា៕
