បន្ទាប់ពីទទួលបានដំណឹងចចាមអារ៉ាមថាទំនិញថៃដឹកជញ្ជូនតាមយន្តហោះយ៉ាងច្រើន តារាចម្រៀង វ៉ាន់ នីឡា ថាបើរើសបម្រាស់គឺត្រូវធ្វើឱ្យបានព្រោះលើកនេះគឺធ្វើឱ្យខ្មែររគចម្រើនលើកកម្ពស់ផលិតផលក្នុងស្រុក។ វ៉ាន់ នីឡា ទោះប្រទេសទាំងពីរប្រែមកធម្មតាវិញគប្បីត្រូវបន្តពហិកាផលិតផលថៃឱ្យបានព្រោះបញ្ហាពេលនេះមិនមែនត្រឹមតែឈឺចាប់ទេតែលើសពីការឈឺគឺ «មេរៀន»។
សង្រ្គាមរយៈពេល៥ថ្ងៃរវាងប្រទេសខ្មែរនិងថៃគឺបានធ្វើឱ្យប្រជាពលរដ្ឋខ្មែររងនូវភាពឈឺចាប់យ៉ាងខ្លាំងហើយរឿងនេះបានធ្វើឱ្យមនុស្សជាច្រើនមានគំនិតជាតិនិយមជាងមុនហើយពហិកាលែងប្រើប្រាស់ផលិតផលរបស់ប្រទេសថៃ។ ទោះយ៉ាងណាថ្មីៗនេះក៏មានដំណឹងរសើបថាទំនិញតាមជើងយន្តហោះថៃ-ខ្មែរ មានការកើនឡើងខ្លាំង។ នេះបានជំរុញឱ្យតារាចម្រៀង វ៉ាន់ នីឡា បានលើកឡើងនៅលើបណ្តាញសង្គមរបស់ខ្លួន។
តារាចម្រៀងរូបនេះបានសរសេរបង្ហោះនៅយប់ថ្ងៃទី៧ សីហា ថា «មុននេះឃើញបងស្រីម្នាក់បង្ហោះថានៅតែមានអីវ៉ាន់នឹងផលិតផលសៀមដែលដឹកជញ្ជូនតាមយន្តហោះមកយ៉ាងច្រើន.okay សុំអត់មានមតិយោបល់ចំពោះរឿងនេះ ។ តែសំរាប់ខ្ញុំ ខ្ញុំគិតបើយើងរើបម្រាស់គឺរើឱ្យរួច ព្រោះការរើបម្រាស់លើកនេះគឺធ្វើឱ្យខ្មែររីកចម្រើនលើកកម្ពស់ ផលិតផលក្នុងស្រុកនឹងធ្វើឱ្យផលិតផលយើងមានទីផ្សារកាន់តែខ្លាំង បើទោះបីជាថ្ងៃក្រោយប្រទេសទាំងពីរប្រែមកធម្មតាក៏ខ្ញុំគិតថាយើងគប្បីបន្តពហិកាការឈប់ប្រើផលិតផលសៀមឱ្យបាន»។
វ៉ាន់ នីឡា ថា «បញ្ហាពេលនេះមិនមែនត្រឹមតែឈឺចាប់ទេ តែលើសពីការឈឺគឺ” មេរៀន” បើបន្តិចទៀតយើងលែងឈឺតែសូមឱ្យចងចាំមេរៀននេះទុក ហើយមួយទៀតបើយើងបាត់ឈឺហើយតែសូមនឹកស្រមៃដល់កម្លាំងកងទ័ពដែលអត់បាយក្រហាយទឹកយកខ្លួនពាំងគ្រាប់ដើម្បីជាតិ»។ តារាចម្រៀងរូបនេះថា ទឹកមាត់របស់នាងអត់ប្រៃទេ និយាយទៅក៏គេមិនសូវចាប់អារម្មណ៍ តែសង្ឃឹមថាមហាជនដែលបានឃើញ status មួយនេះនឹងយល់ពីអ្វីដែលនាងចង់និយាយ៕
