ឃើញថៃសម្តែងល្ខោនថ្មី តារាចម្រៀង ឃុន វុត្ថា និង អ៊ាម វន្នី លើកឡើងបែបនេះ

អស់ពីសម្តែងរឿងមួយចូលរឿងមួយ មិនខុសពីសាច់រឿងក្នុងភាពយន្តប៉ុណ្ណោះទេប៉ុន្តែសម្តែងទាំងនៅក្នុងជីវិតពិតទៀត ពោលគឺប្រើល្បិចគ្រប់ស្នៀតដើម្បីតែចង់បានរបស់ដែលខ្លួនឯងចង់បាន។ ចុះក្រោយនេះថៃក៏សម្តែងភាគថ្មីដោយចោទថាចាប់បានបុរសម្នាក់ជាចារកម្មរបស់ខ្មែរ។ ឃើញថៃសម្តែងល្ខោនថ្មីបែបនេះតារាចម្រៀង អ៊ាម វន្នី និង ឃុន វុត្ថា លើកឡើងថាថៃបោកតែប្រជាជនខ្លួនឯង។

នៅថ្ងៃទី៦ សីហា កាសែតថៃបានចុះផ្សាយថា បុរសម្នាក់ត្រូវបានជាប់សង្ស័យជាចារកម្មកម្ពុជាសម្ងាត់និងចោទថាជា ទាហានខ្មែរមកពីអង្គភាព BHQ ជាអង្គរក្សសម្តេចតេជោ ហ៊ុន សែន។ បុរសនោះត្រូវបានគេចុះផ្សាយថា បានបង្កប់ខ្លួនដើម្បីបញ្ជូនចារកម្មអំពីចលនាយោធាថៃមកខាងកម្ពុជា។ ឃើញល្ខោនថ្មីដែលថៃសម្តែងបែបនេះតារាចម្រៀងពីររូបចេញមកនិយាយទាំងអស់សំណើច។

តារាចម្រៀង អ៊ាម វន្នី បានបញ្ចេញមតិថា «សូមថៃជ្រាបផងចុះ ដៃសាក់ឡើងសុះបែបនេះ មិនអាចធ្វើអង្គរក្សសម្តេចក្រោមស្លាក BHQ បានទេ បោកបានតែក្មេងទេ»។ ងាកមកកាន់តារាចម្រៀង ឃុន វុត្ថា វិញបាននិយាយថា «បើគេធ្វើគីញសំងាត់ គេចំបាច់យកឯកសណ្ឋានទៅឱ្យចាប់បានធ្វើអីពួកឡប់ គ្រាន់តែមនុស្សធម្មតាក៏គេគិតយល់ដែរ។ ពួកនេះថ្មីរហូត…»។

ការចុះផ្សាយរបស់ថៃចោទមកលើកម្ពុជា លាបពណ៌កម្ពុជា ស្ទើរតែក្លាយទៅជារឿងធម្មតាទៅហើយដែលប្រទេសជិតខាងកម្ពុជាមួយនេះព្យាយាមធ្វើគ្រប់មធ្យោបាយដើម្បីតែឱ្យពិភពលោកមើលមកកម្ពុជាអាក្រក់។ ការសម្តែងល្ខោនម្តងហើយម្តងទៀតរបស់ថៃនេះមិនខុសពីអ្វីដែលថៃសម្តែងក្នុងខ្សែភាពយន្តកន្លងមកនេះទេគឺដូចគ្នាតែម្តង៕