ចែតាបារាំង អរគុណទេវតាដែលនាំឱ្យស្គាល់ ជី ដេវីត និង ទេព បូព្រឹក្ស

ចែតាបារាំងគឺជាមនុស្សម្នាក់ដែលមិនចូលចិត្តតារាចម្រៀង ទេព បូព្រឹក្ស និង ជី ដេវីត បានប្រែក្លាយជាអ្នកគាំទ្ររហូតបង្កើតមិត្តភាពដូចជាបងប្អូននឹងគ្នា។ ការរាប់អានស្មោះត្រង់គ្មានចិត្តច្រណែននេះចែតាបារាំងបានអរគុណទេវតាដែលនាំឱ្យរូបគេបានស្គាល់តារាចម្រៀងទាំងពីររូបនេះ។

ប្រិយមិត្តជ្រាបមកហើយថា ចែតាបារាំងគឺជាមនុស្សជំនិតម្នាក់របស់តារាចម្រៀង ទេព បូព្រឹក្ស និង ជី ដេវីត ប្រៀបបាននឹងសមាជិកគ្រួសារបានស្គាល់រាប់អានគ្នាជាយូរមកហើយ មិនត្រឹមតែប៉ុណ្ណោះនៅពេលតារាចម្រៀងទាំងពីរមានបញ្ហាចម្រូងចម្រាសចែតាបារាំងក៏បានចេញមុខ Live តបតផងដែរ។ ស្របពេលមានទំនាក់ទំនងជិតស្និទ្ធ ចែតាបារាំង បានបង្ហាញអារម្មណ៍របស់ខ្លួនជាសាធារណៈចំពោះអ្នកទាំងពីរ។

កាលពីពេលថ្មីៗនេះ ចែតាបារាំង ដែលមានគណនីហ្វេកប៊ុក Alex Conan Real បាន បង្ហោះរូបជាមួយនឹង ទេព បូព្រឹក្ស និង ជី ដេវីត ថែមទាំងរៀបរាប់ពីអារម្មណ៍របស់ខ្លួនថា
«រូបភាពលើកទី១ដែលខ្ញុំបានជួបគាត់ Tep Boprek ១០ឆ្នាំមកនេះម្នាក់ស្រីនេះ ហើយ បង្រៀនឱ្យខ្ញុំចេះគិត ចេះរំសាយចិត្ត រំសាយកំហឹង ហើយម្នាក់ស្រីនេះហើយដែល តែងតែនៅផ្ដល់កំលាំងចិត្តឱ្យខ្ញុំតាំងពីស្គាល់លើកដំបូង»។

ចែតាបារាំង ថា «សម័យនេះ មិនពិបាករកទេមិត្តភាព តែអ្វីដែលពិបាករក នោះគឺភាព ស្មោះត្រង់ជាមួយគ្នា។ ត្រូវចាំថាឱ្យតែមិនមានចិត្តចង្អៀត ភាពច្រណែនដាក់ក្នុងខ្លួន នោះរាប់គ្នាបានយូរ ហើយត្រូវចាំថាទំនាក់ទំនងខ្ញុំរាល់ថ្ងៃនេះគឺបងប្អូនបង្កើតទៅហើយ។ សុំធ្វើប្អូនចែមិនយូរទេត្រឹមមួយជីវិតអរគុណបងថ្លៃដ៏ល្អរបស់ប្អូន G-Devith តែងតែណែនាំស្ដីប្រដៅរហូតមកតែមីប្អូននេះរឹងក្បា.លអត់ស្ដាប់អរគុណទេវតាដែរបានឱ្យខ្ញុំស្គាល់ពួកគាត់ទាំងពីរ Forever love u my both love GD TBP»។

ការបង្ហោះរបស់ ចែតាបារាំង តារាចម្រៀង ទេព បូព្រឹក្ស ក៏បានចូលទៅខម្មិននិងបង្ហាញដែរថា រយៈពេល១០ឆ្នាំដែលអ្នកទាំងពីរបានស្គាល់គ្នាគឺពិតជាលឿនមែន។ អ្នកគាំទ្រមួយចំនួនទៀតក៏បានបង្ហាញការស្រលាញ់ចំពោះមិត្តភាពរបស់ពួកគេផងដែរ៕