កញ្ញា ពេជ្រ វត្តីសារ៉ាវឌ្ឍី បេក្ខភាពក្នុងកម្មវិធីបវរកញ្ញាចក្រវាលកម្ពុជាឆ្នាំ២០២៥ បានធ្វើឱ្យអ្នកលេងបណ្តាញសង្គមវែកញែកបន្ទាប់ពីនាងបង្ហោះរូបភាពនិងវីដេអូក្នុងឈុតប៊ីគីនីនៅឯមាត់សមុទ្រ។
នៅថ្ងៃទី៧ ខែកក្កដា ពេជ្រ វត្តីសារ៉ាវឌ្ឍី MUC19 បានបង្ហោះវីដេអូមួយចូលរួមលេង Trend បទចម្រៀងរបស់តារាចម្រៀង វណ្ណដា មានចំណងជើងថា ៣៦០ ស្ថិតក្នុងឈុតប៊ីគីនី នៅឯមាត់សមុទ្រ។ ការបង្ហាញរាងដ៏ស្រស់ស្អាតរបស់បវរកញ្ញរូបនេះគេចមិនផុតពី មតិសាធារណជនមួយចំនួនដែលមិនពេញចិត្តចំពោះការស្លៀកពាក់បែបនេះនោះទេ។
អ្នករិះគន់បានបញ្ចេញមតិថា «យើងខ្មែរណាកូនស្រី, ក្មេងមើលដែរ ថតអីចឹងៗទេខ្មែរឥឡូវ , ដូចជាពេកហើយបវកញ្ញា, ពីមុនចូលចិត្ត តែឥលូវស្អប់ខ្លាំង ព្រោះស្លៀកពាក់កាន់តែជ្រុលហួសហេតុ គ្រាន់តែទៅលេងសមុទ្រសោះ លើកក្រោយកុំឱ្យពិបាករកឈុតស្លៀក ស្រាតងូតទឹកសមុទ្រហ្មងទៅ, ចូលចិត្ត queen តែថតសិចស៊ីចឹងពេកព្រឺសំបុរណាស់ អាក្រក់មើល, យូៗដូចអត់ចេះអៀនអីតិចសោះ, បិទបាំងតិចទៅ»។
ទោះជាយ៉ាងណា ទន្ទឹមនឹងមានមតិមួយចំនួនរិះគន់សកម្មភាពរបស់ ពេជ្រ វត្តីសារ៉ាវឌ្ឍី ស្លៀកឈុតប៊ីគីនីនៅសមុទ្រ ក្តីប៉ុន្តែអ្នកមួយចំនួនបានពោលសរសើរពីរូបរាងដ៏ស្រស់ស្អាត ស្រឡូន របស់បវរកញ្ញារូបនេះ។
គួរបញ្ជាក់ផងដែរ ពេជ្រ វត្តីសារ៉ាវឌ្ឍី មិនមែនជាតារាស្រីទី១នោះទេដែលរងការរិះគន់ពីអ្នកលេងបណ្តាញសង្គមមួយចំនួនអំពីការស្លៀកពាក់ឈុតប៊ីគីនី បង្ហោះនៅលើបណ្តាញសង្គម។ ជាក់ស្តែងចុងក្រោយមកនេះ ឡូរីន គូស្នេហ៍របស់ វណ្ណដា ក៏ត្រូវបានអ្នកលេងបណ្តាញសង្គមបញ្ចេញមតិរិះគន់ចាស់ដៃពេលនាងបញ្ចេញរូបស៊ិចស៊ីផងដែរ៕
