ស្របពេលដែលពលករខ្មែរដែលធ្វើការងារនៅថៃវិលត្រឡប់មកស្រុកកំណើតវិញបានបង្កឱ្យក្តីរំជួលចិត្តទៅកាន់អ្នកមួយចំនួនខណៈដែលប្រទេសទាំងពីរមានបញ្ហាជម្លោះព្រំដែនជាមួយគ្នា។ តារាពហុជំនាញ ខាត់ សុឃីម បាននិយាយជំរុញឱ្យម្ចាស់សហគ្រាសក្នុងស្រុកមានមនសិការជាតិគៀបសង្កត់ខ្មែរគ្នាឯងធ្វើឱ្យពលករចាកចេញទៅធ្វើការងារស្រុកគេដែលរងនូវការប្រមាថ។
នៅលើបណ្តាញសង្គមមានការបង្ហោះសំណេរមួយថា«ការងារស្រុកខ្មែរច្រើនណាស់ខ្មែរយើងល្មមរស់នៅធ្វើរការក្នុងសេចក្តីថ្លៃថ្នូរហើយកុំទ្រាំធ្វើការឱ្យថៃសៀមប្រមាថ។កូនចៅខ្មែរអ្នកសាងអង្គរមិនមែនពូជទាសករដូចសៀមប្រមាថខ្មែរយើងទេ»។ សំណេរនេះបានទាក់ទាញ អ្នកនាង ខាត់ សុឃីម អ្នកសិល្បៈដ៏មានឈ្មោះបោះសំឡេងប្រចាំប្រទេសចែករំលែកបន្ត នៅលើបណ្តាញសង្គមរបស់ខ្លួនថែមទាំងជំរុញឱ្យម្ចាស់សហគ្រាសគិតប្រយោជន៍ជាតិជាធំ កុំកេងប្រវ័ញ្ចកម្លាំងកម្មករខ្មែរគ្នាឯង។
អ្នកនាង ខាត់ សុឃីម បានសរសេរថា «មេៗដែលមានឥទ្ធិពលនៅរោងចក្រសហគ្រាសខ្មែរ យើងល្មមគិតជាតិគិតប្រយោជន៍ការពារប្រយោជន៍បុគ្គលិកកម្មករសូមមានមនសិការជាតិនិយមផងជាសវាងគិតតែពីប្រយោជន៍ផ្ទាល់ខ្លួនយកមុខបរទេសកេងប្រវ័ញ្ចគៀបសង្កត់កម្មករខ្មែរឯង។អត្ថប្រយោជន៍និងស្តង់ដារការងារ»។
ការលើកឡើងរបស់អ្នកនាង ខាត់ សុឃីម ដែលជំរុញឱ្យម្ចាស់សហគ្រាសផ្តល់តម្លៃដល់ កម្មករនេះបានជំរុញឱ្យអ្នកលេងបណ្តាញសង្គមលើកឡើងថា «គ្មានអ្នកណា១ចង់ចាក ឆ្ងាយពីប្រទេសកំណើតទេ។ ចឹងសូមឱ្យតម្លៃខ្មែរគ្នាឯង ខ្មែរយើងមិនខ្ជិលទេឱ្យតែមាន ការលើកទឹកចិត្ត ផ្តល់តម្លៃប្រាក់ខែសមរម្យ មិនកេងប្រវ័ញ្ច មិនគៀបសង្កត់ធ្វើការងាប់ ចោល»។ 
អ្នកផ្សេងទៀតបានបញ្ចេញមតិថា«ខ្មែរសំបូរការងារ តែថោកបានត្រឹមមួយរស់ ខ្ញុំទទួលស្គាល់ថាខ្មែរមានការងារមែនជួយបានត្រឹមយើងរស់។តែជួយឱ្យសល់លើសលប់ឬក៏ជួយដោះបំណុលមិនបានទេ។ ខ្ញុំជាអ្នកធ្លាប់រស់នៅក្នុងទឹកដីថៃ។ខ្ញុំបានទាំងរស់ បានទាំងដោះស្រាយបំណុលគេទៀត។ , មែនហើយមានថៅកែខ្មែរមួយចំនួនខ្លះក៏កេងប្រវ័ញ្ចញើសឈាមតែខ្មែរគ្នាឯងដែរ»៕
