តារាសម្តែងវ័យក្មេង បាន សរពេជ្ញម៉ានីកា ជារឿយៗតែងតែត្រូវបានសាធារណជន ពោល សរសើរពីសមត្ថភាពការសម្តែងរបស់នាងដែលធ្វើបានយ៉ាងល្អ។ មិនត្រឹមតែការសម្តែង ហើយរៀនក៏ពូកែទេ ម៉ានីកា ថែមទាំងហ្វឹកហាត់សមត្ថភាពរាំយ៉ាងឡូយ។
នៅល្ងាចថ្ងៃទី១៨ ម៉ានីកា បានបង្ហោះវីដេអូមួយនៅលើបណ្តាញសង្គមរបស់ខ្លួនអំពីក្បាច់រាំ Dance Break របស់តារាចម្រៀង នរិទ្ធ ទៅលើបទ «មួយណា»។ ក្បាច់រាំ Dance Break របស់តារាចម្រៀងរូបនេះចាប់ផ្តើមល្បីខ្លាំងនិងមានការរាំលេងច្រើននៅលើបណ្តាញសង្គមទិកតុកបន្ទាប់ពីសម្តែងក្នុងការប្រគំតន្រ្តីរបស់ វណ្ណដា នៅពហុកីឡដ្ឋានជាតិអូឡាំពិក។
ការរាំរបស់ ម៉ានីកា ជាមួយនឹងគ្រូបង្ហាត់នេះជំរុញឱ្យតារាចម្រៀង នរិទ្ធ បានបន្តចែករំលែក (reposted) នៅលើបណ្តាញសង្គមទិកតុកផងដែរ ខណៈការរាំរបស់ ម៉ានីកា ទទួលបានការសរសើរយ៉ាងច្រើនពីទស្សនិកជន។ អ្នកលេងបណ្តាញសង្គមបានលើកឡើង ស្រដៀងៗគ្នាថាតារាសម្តែងវ័យក្មេងរូបនេះគឺពូកែគ្រប់យ៉ាង ការសម្តែងក្នុងរឿងក៏បានល្អ លទ្ធផលនៃការសិក្សាក៏ល្អចំណែកឯទេពកោសល្យរាំនេះក៏មិនខុសគ្នានោះទេគឺពូកែដូចគ្នា។
គួរបញ្ជាក់ផងដែរថា បាន សរពេជ្ញម៉ានីកា បច្ចុប្បន្នមានអាយុ១៣ឆ្នាំ្ហហើយពេលនេះកាន់ តែមានសម្រស់ស្រស់ស្អាតនិងបានបង្ហាញខ្លួនក្នុងខ្សែភាពយន្តខ្មែរខ្នាតធំជារឿយៗ។ ក្រៅពីអាជីពសម្តែងមានការទទួលស្គាល់នោះ ម៉ានីកា គឺជាសិស្សពូកែម្នាក់ដែលដណ្តើម បានមេដាយមាសក្នុងការប្រកួតគណិតវិទ្យាអូឡាំព្យាដ សិង្ហបុរី-អាស៊ានអន្តរជាតិ (SASMO) កាលពីឆ្នាំ២០២៤ កន្លងមកនេះ៕
