តារាស៊ិ.ចស៊ី ហ្វាហ្វា ឆ្លើយតបចាស់ដៃក្រោយមានគេនិយាយថា «មិនខ្វល់រឿង ប្រទេសជាតិ»

តារាស្រីស៊ិចស៊ី ហ្វាហ្វាត្រូវបានអ្នកលេងបណ្តាញសង្គមរិះគន់នាងថាមិនខ្វល់ នឹងរឿង ប្រទេសជាតិ។ យ៉ាងណានាងបានឆ្លើយតបវិញយ៉ាងចាស់ដៃព្រោះតែអ្នកបញ្ចេញមតិ មិនបានពិនិត្យឱ្យគ្រប់ជ្រុងជ្រោយ។

ប្រិយមិត្តមួយចំនួនប្រាកដជាស្គាល់ហើយពីតារាសម្តែងស៊ិចស៊ី ហ្វាហ្វា ហើយពេលនេះ អាជីពរបស់ ហ្វាហ្វា បានឡើងមួយកម្រិតទៀតដោយបានបង្ហាញខ្លួនធ្វើជាពិធីការិនី នៅតាមកម្មវិធីមួយចំនួន។ ជាមួយនឹងសម្រស់និងមានរាងស្អាតជារឿយៗ ហ្វាហ្វា តែងតែ ត្រូវបានម្ចាស់ផលិតផលពេញចិត្តជ្រើសរើសនាងផ្សព្វផ្សាយ ហើយបានថតប្រូម៉ូត ក្នុងរូបភាពស៊ិចស៊ីដែលជាស្ទាយ៍របស់ខ្លួន។

យ៉ាងណាមិញ ជុំវិញបញ្ហាជម្លោះព្រំដែនរវាងខ្មែរ-ថៃ ស្រីស្រស់ ហ្វាហ្វា ក៏ត្រូវបានអ្នកលេង បណ្តាញសង្គមម្នាក់បញ្ចេញមតិរិះគន់នាងមិនខ្វល់ពីរឿងប្រទេសជាតិ។ ការខម្មិនដែល មិនបានត្រួតពិនិត្យត្រឹមត្រូវផ្ទុយពីការពិត ហ្វាហ្វា បានធ្វើការឆ្លើយតបយ៉ាងចាស់ដៃ។

ហ្វាហ្វា បានបង្ហោះនៅលើបណ្តាញសង្គមនាល្ងាចថ្ងៃទី១៨ មិថុនា ថា «មុនហារមាត់ និយាយ សូមជួយបើកភ្នែកអូសមើលឱ្យគ្រប់ផុសផង កុំមានមាត់ដើរតែហារពេកបងស្រី»។ ក្នុងរូបភាពដែល ហ្វាហ្វា បានបង្ហាញគឺគេបានឃើញគណនីហ្វេកប៊ុកមួយបានចូលខម្មិន ដាក់នាងថា «គ្មានខ្វល់អ្វីបន្តិចសោះពីរឿងប្រទេសជាតិ» ស្របពេលដែលតារាស្រីរូបនេះ បានបង្ហាញរូបភាពដែលនាងស៊ែរពីប្រសាសន៍សម្តេច តេជោ ហ៊ុន សែន លើកឡើងពី ភាគីថៃដោយនាងគាំទ្រចំណាត់ការរបស់សម្តេច ខណៈ ហ្វាហ្វា ក៏បានបង្ហាញរូបភាព របស់នាងក្នុងការចូលរួមកម្មវិធីដំណើរថ្មើរជើង «Solidarity March»៕