មូលហេតុពិតដែល Rosé ដកខ្លួនចេញពីសមាគមរក្សាសិទ្ធិតន្ត្រីកូរ៉េ

កាលពីដើមឆ្នាំនេះ Rosé សមាជិក BLACKPINK បានទាក់ទាញការចាប់អារម្មណ៍នៅ ពេលដែលនាងបានដកខ្លួនចេញពីសមាគមរក្សាសិទ្ធិតន្ត្រីកូរ៉េ (KOMCA)។ យោងតាម Dispatch បានឱ្យដឹងថា Rosé គឺជាតារាចម្រៀងកូរ៉េដំបូងគេចាប់តាំងពី Seo Taiji ក្នុងឆ្នាំ ២០០២ ដែលបានដកខ្លួនពីសមាគមនេះ។

នៅពេលនោះមានហេតុផលមួយចំនួនដែលគេជឿជាក់ថា Rosé បច្ចុប្បន្នកំពុងធ្វើ សកម្មភាពនៅសហរដ្ឋអាម៉េរិក ដូច្នេះហើយនាងបានដកខ្លួនចេញពី KOMCA ដើម្បីអាច គ្រប់គ្រងការរក្សាសិទ្ធិរបស់នាងឱ្យកាន់តែមានប្រសិទ្ធភាព។ អ្នកខាងក្នុងឧស្សាហកម្ម មួយចំនួនជឿថានៅក្នុងករណីរបស់ Rosé វាមិនចាំបាច់ក្នុងការគ្រប់គ្រងការរក្សាសិទ្ធិដាច់ ដោយឡែកពីគ្នាទាំងនៅសហរដ្ឋអាម៉េរិក និងកូរ៉េនោះទេព្រោះវានឹងត្រូវចំណាយ ថ្លៃសេវាទ្វេដង។

ប៉ុន្តែថ្មីៗនេះ នៅពេលដែល សមាគមរក្សាសិទ្ធិតន្ត្រីកូរ៉េ ចេញផ្សាយរបាយការណ៍ចំណូល ពីការផ្សាយរបស់ខ្លួន មនុស្សជាច្រើនបានប៉ាន់ស្មានអំពីហេតុផលពិតប្រាកដដែល Rosé ដកខ្លួនចេញពី KOMCA ។

យោងតាមរបាយការណ៍ ទំហំនៃទីផ្សារតន្ត្រីឌីជីថលរបស់កូរ៉េខាងត្បូងបានកើនឡើងជិតទ្វេ ដងគឺពីប្រហែល ៧០០លានដុល្លារក្នុងឆ្នាំ ២០១៩ ដល់ ១.៣២ ពាន់លានដុល្លារក្នុងឆ្នាំ ២០២៣ វ៉ាដាច់ប្រទេសជប៉ុន ដែលពីមុនត្រូវបានគេចាត់ទុកថាជាទីផ្សារតន្ត្រីកំពូល របស់អាស៊ី។

ទោះជាយ៉ាងណាក៏ដោយ ទោះបីជាទីផ្សារកើនឡើងខ្លាំងក៏ដោយការបែងចែក ប្រាក់ចំណូល ដល់អ្នកបង្កើតនៅក្នុងប្រទេសកូរ៉េនៅតែមានតិចតួចណាស់។
នៅសហរដ្ឋអាម៉េរិក ១២.៣% នៃប្រាក់ចំណូលពីការផ្សាយទៅម្ចាស់កម្មសិទ្ធិបញ្ញា។ នៅចក្រភពអង់គ្លេសតួលេខនេះគឺ ១៦% ហើយនៅប្រទេសអាឡឺម៉ង់គឺមាន ១៥% ។ ប៉ុន្តែនៅប្រទេសកូរ៉េ តួលេខនេះមានត្រឹមតែ ១០.៥%, ១.៨% ទៅ ៥.៥% ទាបជាងប្រទេសធំៗនៅបរទេស។

ចំណែកប្រាក់ចំណូលទាបនៃអ្នកបង្កើតមាតិកាកូរ៉េត្រូវបានបង្ហាញឱ្យឃើញជាពិសេសនៅពេលពិនិត្យមើលរចនាសម្ព័ន្ធប្រាក់ចំណូលសរុបនៃការផ្សាយ។ វេទិកាស្ទ្រីមនៅ សហរដ្ឋអាម៉េរិកមានចំនួន ២៩.៤% នៃប្រាក់ចំណូល។ ប្រទេសអាល្លឺម៉ង់មាន ៣០% និងជប៉ុនមាន ២២% ។ នៅក្នុងប្រទេសកូរ៉េ វេទិកាដែលមានចំណែកខ្ពស់បំផុត គឺរហូតដល់ ៣៥% (Melon) ដែលមានន័យថាប្រាក់ចំណូលដែលបានចែករំលែក ជាមួយម្ចាស់កម្មសិទ្ធិបញ្ញាគឺកាន់តែតិច។

លើសពីនេះទៀត នៅក្នុងប្រទេសកូរ៉េ ការលក់បទចម្រៀងត្រូវតែឆ្លងកាត់ដំណាក់កាលជា ច្រើន មុនពេលទៅដល់អ្នកបង្កើត រួមទាំងអ្នកចែកចាយ និងស្ថាប័នគ្រប់គ្រង ការរក្សាសិទ្ធិមួយចំនួនទៀត។ ទីបំផុត អ្នកបង្កើតតន្ត្រីពិតជាទទួលបានត្រឹមតែ ១០.៥% នៃប្រាក់ចំណូលប៉ុណ្ណោះ។ ផ្ទុយទៅវិញ សិល្បករបរទេសជាច្រើនធ្វើការជាមួយអ្នក បោះពុម្ពផ្សាយតែមួយប៉ុណ្ណោះ ដើម្បីគ្រប់គ្រងការរក្សាសិទ្ធិ និងប្រាក់ចំណូលរបស់ពួកគេ បង្កើតប្រព័ន្ធដែលមានប្រសិទ្ធភាព និងងាយស្រួលជាងអ្នកបង្កើត។

អ្នកជំនាញជឿថាភាពគ្មានប្រសិទ្ធភាពនេះគឺជាហេតុផលមួយដែល Rosé ដកខ្លួនចេញពី KOMCA ។ ដោយសារតែតន្ត្រីរបស់នាងបង្កើតប្រាក់ចំណូលយ៉ាងច្រើននៅក្រៅប្រទេស Rosé ត្រូវបង់ថ្លៃទាំងអ្នកបោះពុម្ពផ្សាយអន្តរជាតិ និងម្តងទៀតទៅក្រុមរក្សាសិទ្ធិក្នុង ស្រុកដូចជា KOMCA ។ ការកាត់ពីរដងនេះកាត់បន្ថយប្រាក់ចំណូលចុងក្រោយ របស់នាងយ៉ាងខ្លាំង។ អ្នកខាងក្នុងអះអាងថា ខណៈពេលដែលកិច្ចព្រមព្រៀង លើវេទិកាស្ទ្រីមសំខាន់ៗ (ដូចជា Apple Music) អាចផ្តល់ឱ្យ Rosé ១០០% នៃប្រាក់ចំណូល ការឆ្លងកាត់ឆាណែលកូរ៉េអាចកាត់បន្ថយចំនួននោះមកត្រឹមតែ ៦០-៧០% ប៉ុណ្ណោះ៕