កម្ពុជា បាននឹងកំពុងសាងសង់អាកាសយានដ្ឋានធំៗចំនួន២ ក្នុងនោះអាកាសយានដ្ឋានអន្តរជាតិតេជោក្រុងតាខ្មៅ គ្រោងសម្រាប់ខែកក្កដា ឆ្នាំ២០២៥ ខាងមុខនេះ ខណៈអាកាសយានដ្ឋានអេកូទេសចរណ៍អន្តរជាតិកោះរ៉ុង នឹងសាងសង់រួចនៅឆ្នាំ២០២៨។
អាកាសយានដ្ឋានអេកូទេសចរណ៍អន្តរជាតិកោះរ៉ុង ស្ថិតនៅតំបន់អភិវឌ្ឍន៍កោះរ៉ុង ក្រុងកោះរ៉ុង ខេត្តព្រះសីហនុ ក្រោមការបោះទុនវិនិយោគពីក្រុមហ៊ុន Royal Group។.png)
អាកាសយានដ្ឋាននេះ បានអនុម័តប្លង់កាលពីខែមករា ឆ្នាំ២០២៣ ដោយត្រូវចំណាយពេលប្រមាណ ៥ឆ្នាំ ដើម្បីបញ្ចប់ការសាងសង់ ក្នុងតម្លៃ៣០០លានដុល្លារ សាងសង់លើផ្ទៃដីប្រមាណ២០០ហិកតា។
ក្រៅពីគម្រោងអាកាសយានដ្ឋាននេះ ក្រុមហ៊ុន Royal Group ក៏បានសាងសង់សណ្ឋាគារផ្កាយ៥ និងផ្កាយ៣ អស់ជាង៥០លានដុល្លារ រួនជានួយនិងហេដ្ឋារចនាសម្ព័ន្ធផ្សេងបន្ថែមទៀតផងដែរ។
គួរបញ្ជាក់ថា កាលពីឆ្នាំ២០០៨ ក្រុមហ៊ុន Royal Group បានចុះហត្ថលេខាជួលកោះរ៉ុង រយៈពេល៩៩ឆ្នាំ ជាមួយក្រុមប្រឹក្សាអភិវឌ្ឍន៍កម្ពុជា ដើម្បីអភិវឌ្ឍន៍តំបន់នេះ៕
