កាលពីថ្ងៃទី៥ ខែឧសភា នគរបាលប្រឆាំងបទល្មេីសសេដ្ឋកិច្ច បានសហការជាមួយនិងកម្លាំងកងរាជអាវុធហត្ថ ស្រុកបវេល ឃាត់បានរថយន្ត Hyundai មួយគ្រឿង នៅចំណុចភូមិអន្លង់រៃ ឃុំក្តុលតាហែន ស្រុកបវេល ខេត្តបាត់ដំបង។
ក្នុងកិច្ចប្រតិបត្តិការនេះ សមត្ថកិច្ចបានរកឃើញត្រីប្រាក្លាសេចំនួន ២០០០គីឡូក្រាម និងត្រីកន្ធរបង្កកប្រមាណ៥០០គីឡូក្រាម ដឹកតាមរថយន្ត Hyundai ពាក់ផ្លាកលេខ ភ្នំពេញ 3G-4732។.png)
ត្រីក្លាសេទាំងនេះ គឺជាផលិតផលគ្មានលិខិតអនុញ្ញាត ដែលនាំចូលពីប្រទេសថៃ។ បច្ចុប្បន្ន អ្នកបើករថយន្ត និងវត្ថុតាងទាំងអស់ ត្រូវបានមន្រ្តីជំនាញរដ្ឋបាលជលផលខេត្តបាត់ដំបង អនុវត្តនីតិវិធីបន្ត។
បើតាមអ្នកជំនាញផ្នែកសុខាភិបាលបានលើកឡើងថា៖”ប្រសិនបើពលរដ្ឋកម្ពុជាបរិភោគប៉ះសាច់បង្កកដែលផ្ទុកជំងឺ និងមិនបានឆ្លងកាត់ការត្រួតពិនិត្យត្រឹមត្រូវ អាចប្រឈមមុខនឹងហានិភ័យដល់សុខភាពជាខ្លាំង។
គួរបញ្ជាក់ថា កម្ពុជាទើបតែបើកការអនុញ្ញាតឱ្យមានការនាំសាច់បង្កកចូលទីផ្សារកម្ពុជាឡើងវិញកាលពីខែមីនាកន្លងទៅតែប៉ុណ្ណោះ បន្ទាប់ពីការហាមឃាត់អស់រយៈពេល១២ខែ៕
