កម្ពុជា-ចិន បានឯកភាពគ្នារៀបចំ “សមយុទ្ធនាគមាសឆ្នាំ២០២៥” ក្រោមប្រធានបទ “ប្រតិបត្តិការប្រឆាំងភេរវកម្មរួមគ្នា និងការងារសង្គ្រោះមនុស្សធម៌”។
.png)
សមយុទ្ធនេះ មានរយៈពេល ចំនួន១៥ថ្ងៃ គឺចាប់ពីថ្ងៃទី១៤ ខែឧសភា ឆ្នាំ២០២៥ ដល់ថ្ងៃទី២៨ ខែឧសភា ឆ្នាំ២០២៥ ដោយធ្វើឡើងនៅ២ទីតាំងផ្សេងគ្នា។
ក្នុងនោះ សមយុទ្ធលើគោក និងអាកាស នឹងរៀបចំនៅមជ្ឈមណ្ឌលហ្វឹកហ្វឺនកងរាជអាវុធហត្ថភ្នំជុំសែន រីករាយ ខេត្តកំពង់ឆ្នាំង ខណៈសមយុទ្ធសមុទ្រ និងអាកាស ក្នុងតំបន់ខេត្តព្រះសីហនុ។
បើយោងតាមកងយោធពលខេមរភូមិន្ទ សមយុទ្ធ នឹងធ្វើឡើងជាទ្រង់ទ្រាយធំជាងឆ្នាំមុនៗ ទាំងលើគោក និងលំហរសមុទ្រ ដើម្បីឱ្យស្របទៅនឹងទំហំ នៃកិច្ចសហប្រតិបត្តិការរវាងកងទ័ពទាំងពីរ ដែលកាន់តែរីកចម្រើន និងស៊ីជម្រៅជាលំដាប់លើគ្រប់វិស័យ។
គួរបញ្ជាក់ថា សមយុទ្ធនាគមាស ត្រូវបានចាប់ផ្តើមជាលើកដំបូងនៅឆ្នាំ២០១៦ ដោយលើកចុងក្រោយបំផុតនៅឆ្នាំ២០២៤ ដែលមានការចូលរួមពីយោធាកម្ពុជា-ចិន ប្រមាណជាង ២០០០នាក់៕
