Jennie ចាកចេញភ្លាមៗធ្វើមានការវែកញែកអំពីទំនាក់ទំនងជាមួយ Frédéric Arnault មិត្តប្រុសចចាមអារ៉ាម Lisa

ការចាកចេញយ៉ាងរហ័សរបស់ Jennie នៅឯឆាក Coachella របស់ Lisa មានកង្វះទំនាក់ទំនងជាមួយកូនមហាសេដ្ឋី Frédéric Arnault ជាមិត្តប្រុសចចាមអារ៉ាមរបស់ Lisa បង្កឱ្យមានការជជែកវែកញែកតាមអ៊ីនធឺណិត។ ទោះយ៉ាងណាអ្នកគាំទ្រខ្លះប៉ាន់ស្មានថា Jennie មិនបានស្គាល់ដោយផ្ទាល់ជាមួយ Frédéric ទើបនាងមិនបានបង្ហាញសកម្មភាពអ្វីជាមួយកូនសេដ្ឋីនេះ។

Jennie និង Lisa សមាជិកក្រុម BLACKPINK បានធ្វើឱ្យមហោស្រពតន្រ្តី Coachella ឆេះសន្ធោសន្ធៅជាមួយនឹងឆាកទោលរបស់ពួកគេ។ ការសម្តែងម្តងទៀតនៅ Sahara Stage ជាមួយនឹងបញ្ជីបទចម្រៀង ១៣ បទដូចគ្នាដែលបានធ្វើឱ្យមានចំណងជើងកាលពីសប្តាហ៍មុន Lisa បានទាក់ទាញទស្សនិកជនជាមួយនឹងកម្មវិធីដ៏គួរឱ្យចាប់អារម្មណ៍។ ក្នុងអំឡុងពេលការសម្តែងនៅសប្តាហ៍ទី ២ របស់ Lisa នៅ Coachella 2025 ទាំង Jennie និងមិត្តប្រុសចចាមអារ៉ាមរបស់ Lisa ដែលមានឈ្មោះថា Frédéric Arnault ត្រូវបានគេប្រទះឃើញនៅក្នុងចំណោមទស្សនិកជន។

វីដេអូខ្លីបង្ហាញ Jennie ដើរកាត់ Frédéric Arnault ដោយមិនងាកមើលមុខ ឬនិយាយអ្វី។ នៅជិតចុងបញ្ចប់នៃការសម្តែងរបស់ Lisa, Jennie ត្រូវបានគេឃើញនិយាយទៅកាន់ក្រុមសន្តិសុខរបស់នាង ហើយចាកចេញពីកន្លែងយ៉ាងលឿន ដោយឆ្លងកាត់ Arnault ដោយមិនមានទំនាក់ទំនងអ្វីទាំងអស់។ ពេលនេះបានជំរុញឱ្យមានការជជែកគ្នាតាមអ៊ីនធឺណិតជាថ្មីខណៈទំនាក់ទំនងរបស់ Jennie និង Lisa មានការជជែកវែកញែកច្រើនបើទោះបីជាអ្នកទាំងពីរបង្ហាញការគាំទ្រ ឱបគ្នានៅពីក្រោយឆាកក្តី។ ទោះជាយ៉ាងណាក៏ដោយ អ្នកគាំទ្រជាច្រើនបានការពារ Jennie ដោយចង្អុលបង្ហាញថាគ្មានព័ស្តុតាងណាមួយដែលនាង និង Frédéric Arnault ស្គាល់គ្នាដោយផ្ទាល់នោះទេ។

ខណៈពេលដែលតារាទាំងពីរនៅតែបន្តការសម្តែងលំដាប់ពិភពលោក ទំនាក់ទំនងក្រៅឆាករបស់ពួកគេនៅតែជាប្រធានបទក្តៅ។ មិនថាពេលនេះជាការមើលឃើញដោយចេតនា ឬអចេតនាក្តីទេ វាច្បាស់ណាស់ថារាល់ទង្វើដែល Jennie និង Lisa ធ្វើនឹងត្រូវបានមើលយ៉ាងជិតស្និទ្ធដោយអ្នកគាំទ្រ និងអ្នករិះគន់ដូចគ្នា៕