Nina Daily ដែលស្លៀកពាក់សំលៀកបំពាក់ហាត់ប្រាណនៅប្រាសាទអង្គរវត្តកាលពីពេលថ្មីៗនេះហើយត្រូវមហាជនរិះគន់ចាស់ដៃនិងមានការអន្តរាគមន៍ពីអាជ្ញាធរជាតិអប្សរាឱ្យលុបនិងស្នើឱ្យសូមទោសសាធារណៈ ប៉ុន្តែនារីរូបនេះនៅបន្តសកម្មភាពផ្សេងក្នុងរូបភាពស្រដៀលគ្នានេះដដែលជាហេតុធ្វើឱ្យមហាជនថានាងជាមនុស្សរឹងរូសមានភាពជឿជាក់លើខ្លួនឯងជ្រុល។ ទង្វើរបស់ Trainer រួមទាំងបុរសខ្មែរឥស្លាមម្នាក់ទៀតបានធ្វើឱ្យតារាសម្តែង វ៉ាង ស្រីណូ អត់ទ្រាំមិនបានពួយមួយរយៗទៅកាន់បុគ្គលមានភាពជឿជាក់ទាំងពីរ។
នៅក្នុងវីដេអូដែល វ៉ាង ស្រីណូ និយាយនៅក្នុងការ Live អ្នកនាងបានលើកឡើងថា នារីដែលស្លៀកពាក់ស៊ិចស៊ីហាត់ប្រាណគ្រប់ទីកន្លែង ខណៈថាឥឡូវនេះសម្បូរមនុស្សភ្លាវៗខ្លួនឯងធ្វើអ្វីមិនដឹងថាខ្លួនឯងធ្វើខុសហើយជឿជាក់លើទំនុកចិត្តខ្លួនឯងទាំងដែលខ្លួនឯងធ្វើខុស។ ក្នុងនោះ វ៉ាង ស្រីណូ ក៏បានរម្លឹកទៅដល់បុរសខ្មែរឥស្លាមម្នាក់ដែលប្រើសម្តីមិនសមរម្យ ចេញមុខសូមទោសតែចំពោះការប្រើពាក្យ អា មឹង ហើយថាអ្វីដែលនិយាយ៩៩%ត្រូវសឹងតែទាំងអស់។ 
វ៉ាង ស្រីណូ ក៏បន្ថែមដែរថា នារីដែលជា Trainer ម្ចាស់គណនី Nina Daily ដែលស្លៀកពាក់មើលតែស្រាត ហើយធ្វើជាគ្រូហាត់ប្រាណទាល់តែស្លៀកពាក់ឱ្យចេញរូបរាងស្រ្តីបែបនេះបានគេដឹងថាជោគជ័យក្នុងការហាត់ប្រាណឬ? ហើយនារីរូបនេះមានការជឿជាក់ហួសស្លៀកពាក់បង្ហាញបែបនេះជាច្រើនកន្លែង ជឿជាក់ថាខ្លួនឯងធ្វើបែបនេះមិនខុស។
សូមរម្លឹកផងដែរថា បន្ទាប់ពីមហាជនរិះគន់និងមានអាជ្ញាធរជាតិអប្សរាស្នើឱ្យលុបនិងសូមទោសជាសាធារណៈ Nina Daily ក៏បានធ្វើតាម ប៉ុន្តែក្រោយមកនាងនៅបន្តសកម្មភាពផ្សេងទៀតនៅប្រាសាទអង្គរវត្តដដែលជាហេតុធ្វើឱ្យមនុស្សជាច្រើនយល់ថានាងរឹងរូស ជឿជាក់លើទង្វើរបស់ខ្លួនខ្លាំង។ ជាមួយនឹងការរិះគន់ជាបន្តបន្ទាប់នាងក៏បានចេញមកបញ្ជាក់ជាថ្មីថានាងនឹងឈប់ថតហាត់ប្រាណនៅប្រាសាទអង្គរវត្ត ប៉ុន្តែនៅតែបន្តសកម្មភាពរបស់ខ្លួនដដែល៕
