គណបក្សសាធារណរដ្ឋ បានធើ្វសំណើចង់ឱ្យមានការបោះពុម្ភក្រដាកប្រាក់២៥០ដុល្លារ ដោយមានដាក់រូបលោកដូណាល់ត្រាំ។.png)
បើតាមសមាជិកសភាគណបក្សសាធារណរដ្ឋលោក Joe Wilson បានលើកឡើងថា៖” លោកកំពុងរៀបចំសំណើច្បាប់ ដើម្បីបង្គាប់ឱ្យការិយាល័យឆ្លាក់និងបោះពុម្ព ធើ្វការរចនាក្រដាសប្រាក់ប្រភេទ ២៥០ដុល្លារ ដែលមានដាក់រូបលោក Donald J. Trump នៅពីមុខ” ។
សំណើច្បាប់ប្រភេទនេះ ចាំបាច់ត្រូវឆ្លងកាត់ការត្រួតពិនិត្យពីសភា និងមានការជាប់ពាក់ព័ន្ធជាមួយស្ថាប័នចំនួន ៥ ដើម្បីធើ្វការកែលម្អ ដើម្បីដាក់ឱ្យចរាចរក្រដាសប្រាក់ថ្មី។
តែយ៉ាងណាមិញ បើយោងតាមច្បាប់ស្តីពីការបោះពុម្ភក្រដាសប្រាក់របស់អាមេរិក បានហាមប្រាមការដាក់រូបឥស្សរជន ឬប្រធានាធិបតីដែលនៅជីវិតនៅលើក្រដាសប្រាក់នោះឡើយ។.png)
បច្ចុប្បន្ន ក្រដាសប្រាក់ដែលកំពុងចរាចរនៅសហរដ្ឋអាមេរិកមាន៧ប្រភេទ រួមមានក្នុងនោះ៥នាក់ ជាអតីតប្រធានាធិបតី និង២នាក់ជាបិតាស្ថាបនិក។
គួររំលឹកថា អាមេរិកធ្លាប់ដាក់ឱ្យចរាចរក្រដាសប្រាក់៥០០ដុល្លារ ១០០០ដុល្លារ ៥០០០ដុល្លារ និង១០០០០មុឺនដុល្លារ តែពួកគេបានឈប់ចរាចរនៅឆ្នាំ ១៩៦៩ ដោយសារតម្រូវការទាប៕
