«យីកេបំពេស្នេហ៍» Cover ដោយ អ៊ន លីនដា ពីម្ចាស់ដើម ពស៊ាង បានទទួលការគាំទ្រយ៉ាងខ្លាំងពីទស្សនិកជន។ យ៉ាងណា បទ Cover មួយនេះបាត់ចេញពីយូធូបទៅហើយ ខណៈស្រាប់តែមានពាក្យមានសម្តីថាម្ចាស់ដើមរីផតចិត្តកំណាញ់ជាដើម។ រងភាពអយុត្តិធម៌ ពស៊ាង គឺបានបញ្ជាក់ច្បាស់ៗពីមូលហេតុនេះដោយសារតែអ្នក Cover ដាក់ Copyright ហើយពួក MMO មកផ្លែផ្កាម្ចាស់ដើមទៀត។
នៅថ្ងៃទី១៣ កុម្ភៈ តារាចម្រៀង ពស៊ាង ដែលមានស្នាដៃល្បីៗជាច្រើនដូចជាបទ រាស្រ្តសាមញ្ញ អង្វរតេជគុណ ជាដើមបានចេញវីដេអូមួយជាមួយនឹងខ្លឹមសារលើវីដេអូថា «ការយកស្នាដៃរបស់អ្នកដទៃមកធ្វើជារបស់ខ្លួនឯង ហើយថែមទាំងធ្វើខ្លួនជាជនរងគ្រោះ គឺជាអំពើមិនត្រឹមត្រូវ និងគួរឲ្យសោកស្តាយ។ ការគោរពសិទ្ធិម្ចាស់ដើម និងការទទួលស្គាល់ការខិតខំប្រឹងប្រែងរបស់អ្នកដទៃ គឺជារឿងចាំបាច់ដើម្បីធានាការអភិវឌ្ឍន៍ដោយសុចរិតនៃសង្គម ។ ប្រសិនបើអ្នកមានចំណែករួមក្នុងការបង្កើតស្នាដៃនោះ ការទទួលស្គាល់ចំពោះការរួមចំណែករបស់អ្នកក៏គួរត្រូវបានធ្វើឡើងដែរ ។ ការធ្វើខ្លួនជាជនរងគ្រោះ និងមិនគោរពសិទ្ធិគេ គឺជាអំពើដែលមិនគួរកើតមាន, សូមគោរពគ្នាទៅវិញទៅមក និងចែករំលែកកិត្តិយសដល់អ្នកដែលសមនឹងទទួលបាន»។
នៅក្នុងវីដេអូ ពស៊ាង បានបង្ហាញថាបទ «យីកេបំពេស្នេហ៍» Cover ដោយ លីនដា គឺលោកមិនមែនជាអ្នករីផត ប៉ុន្តែគឺជាអ្នកខាងលើដោយខាង លីនដា បានទាក់ទងមកខ្លួនតាមរយៈឆាត។ ហើយមូលហេតុនៃការធ្វើបែបនេះដោយសារតែមានអ្នកយកបទរបស់លោកទៅដាក់ Copy right ដោយសំឡេងម្ខាងទៀតបានបញ្ជាក់ដែរថាប្រសិនជា Cover ហើយមានអ្នកទស្សនាច្រើនជាងមិនថ្វីនោះទេតែគេដាក់ Copy Right ត្រូវរីផតហើយ។.png)
ក្នុងនោះលោកបញ្ជាក់ថាលោកមិនកំណាញ់មិនឱ្យCover នោះទេហើយយូធូបបានជូនដំណឹងអំពីបញ្ហានេះដូច្នេះត្រូវរីផតដើម្បីការពាឆាណែល។ លើសពីនេះ ក៏មានការបញ្ជាក់ថាក្រុមការងារគឺចង់ Takedown ឆាណែលយូធូបតែម្តងប៉ុន្តែពស៊ាង បានស្នើឱ្យ Takedown តែវីដេអូបានហើយ។
ក្នុងនោះក៏មានការលើកឡើងថា យកបទគេ Cover ក៏យកទៅចាំបាច់ដាក់ Copyright ហើយដើរតួកម្សត់។ ហើយចំពោះតារាចម្រៀងផ្សេងទៀតក៏ធ្លាប់ជួយបញ្ហាស្រដៀងគ្នានេះដែរនោះទេតារាចម្រៀង ស៊ូលីផេង និង ម៉ម ពេជ្ជរិទ្ធ ថែមទាំងមានការបាត់ឆាណែលរបស់ ពេជ្ជរិទ្ធ ថែមទៀត។ លើសពីនេះក៏មានពួក MMO ចូលមកខម្មិនផ្លែផ្កាដាក់ម្ចាស់ដើមថែមទៀត។ ពស៊ាង ក៏មិនភ្លេចសរសើរពីសមត្ថភាពទេពកោសល្យរបស់ លីនដា ហើយក៏មិនចង់ឱ្យមានការប៉ះពាល់ដល់នាងដូចគ្នាទើបចេញមកបញ្ជាក់បែបនេះ៕
