យើងតែងតែបានឮរហូតមកថា ការក្រោកនៅពេលព្រឹកនឹងផ្តល់ផលល្អសម្រាប់សុខភាពរាងកាយ ឬមានអារម្មណ៍ស្រស់ស្រាយ ប៉ុន្តែតើការក្រោកពីព្រឹកនេះ គួរតែក្រោកនៅម៉ោងប៉ុន្មាន ទើបល្អសម្រាប់សុខភាពបំផុត និងមានអាយុវែង?
ការស្រាវជ្រាវមួយរបស់សាកលវិទ្យាល័យ Harvard នៅសហរដ្ឋអាមេរិកបង្ហាញថា អ្នកក្រោកពីព្រលឹមចាប់ពីម៉ោង៥ព្រឹក រហូតដល់ម៉ោង៧ព្រឹក គឺនឹងមានសុខភាពល្អ និងអាយុវែងជាងអ្នកក្រោកយឺត ។ បើអ្នកក្រោកពីដំណេកក្នុងចន្លោះម៉ោងនេះ នឹងមានអាយុវែងជាងមុនរហូតដល់២០ឆ្នាំ បើធៀបនឹងការក្រោកនៅម៉ោងផ្សេងៗ ។.png)
អ្នកស្រាវជ្រាវអាមេរិកនិយាយថា នាឡិកាជីវិតរបស់យើងមានប្រព័ន្ធដំណើរការយ៉ាងទៀងទាត់ ហើយវាកំណត់ពេលវេលាសម្រាក និងសុខភាពទូទៅ ។ បើយើងគោរពតាមប្រព័ន្ធដំណើរការរបស់នាឡិកានេះតាមធម្មជាតិ ដូចជា ៖ ពេលវេលាបំពេញការងារ និងសម្រាកបានត្រឹមត្រូវ គឺយើងនឹងមានសុខភាពល្អបំផុត ហើយប្រព័ន្ធផ្សេងៗរបស់រាងកាយនឹងដំណើរការល្អដូចគ្នា ។
ផ្ទុយទៅវិញ ការចូលសម្រាកនៅយប់ជ្រៅពេក ឬសម្រាករយៈពេលច្រើនម៉ោង រហូតដល់រាំងស្ទះដល់ការដំណើរការរបស់នាឡិកាជីវិត វានឹងបណ្តាលឱ្យមានបញ្ហាសុខភាព ដូចជា ៖ ភាពពុំប្រក្រតីនៃអរម៉ូន ឬប្រព័ន្ធការពាររាងកាយចុះខ្សោយ ហើយចុងក្រោយ យើងនឹងអាយុខ្លី ។.png)
ក្រៅពីនេះ គួរតែអនុវត្តតាម ៣ចំណុចនេះនៅពេលព្រឹក ដើម្បីជួយឱ្យអាយុវែង និងសុខភាពល្អ រួមមាន ៖
១-ដកដង្ហើមវែងៗ ៖ ការដកដង្ហើមវែងៗនៅពេលព្រឹកនឹងជួយពង្រឹងសុខភាពបេះដូង និងសួត, សម្រួលលំហូរឈាម និងកាត់បន្ថយភាពតានតឹង ធ្វើឱ្យមានអារម្មណ៍ល្អ ។
២-ផឹកទឹកក្តៅឧណ្ឌៗ ៖ ការផឹកទឹកក្តៅឧណ្ឌៗក្រោយពេលក្រោកពីដំណេក អាចជួយដល់ការរំលាយអាហារ និងបណ្តេញជាតិពុលចេញពីរាងកាយ ។
៣-ហាត់ប្រាណ ៖ ការហាត់ប្រាណពេលព្រឹកជួយឱ្យមានសុខភាពល្អ កាត់បន្ថយហានិភ័យដោយសារជំងឺរ៉ាំរ៉ៃ ព្រមទាំងធ្វើឱ្យអារម្មណ៍ស្រស់ថ្លា និងមានថាមពលពេញមួយថ្ងៃ ៕
