អ្នកគាំទ្រជាច្រើនបានសម្តែងការព្រួយបារម្ភរបស់ខ្លួនបន្ទាប់ពីឃើញរូបភាពរបស់តារាចម្រៀង Justin Bieber មើលទៅស្គមស្គាំង និងស្រងូតស្រងាត់។
យោងតាមគេហទំព័រ The Standard បានឱ្យដឹង ថា Justin Bieber មើលទៅហត់នឿយ នៅពេលដែលលោកបានបង្ហាញខ្លួននៅទីក្រុងញូវយ៉ក កាលពីថ្ងៃទី ៣០ ខែមករា។ នៅលើបណ្តាញសង្គម X រូបភាពចុងក្រោយរបស់តារាចម្រៀងរូបនេះបានទាក់ទាញការចូលមើលយ៉ាងច្រើននិងការបញ្ចេញមតិរាប់ពាន់ រាប់ម៉ឺននាក់ ចំណែកឯអ្នកខ្លះសឹងតែមិនចង់ជឿថានេះជា Justin Bieber ។
នៅល្ងាចថ្ងៃទី ២៩ ខែមករា Hailey ត្រូវបានគេប្រទះឃើញចាកចេញពីអគារមួយក្នុងតំបន់លំនៅដ្ឋាន Union Square (ញូវយ៉ក) តែម្នាក់ឯងដោយនាងបានស្លៀកសំលៀកបំពាក់ផ្លូវការ និងចិញ្ចៀនភ្ជាប់ពាក្យ។ ប្រភពពី Daily Mail បាននិយាយថា សាច់ញាតិរបស់ Hailey មានការព្រួយបារម្ភ ដោយសារតែតារាចម្រៀងរូបនេះ មានអាកប្បកិរិយាខុសឆ្គងជាច្រើន ដែលពួកគេមិនអាចទទួលយកបាន។ ប្រភពបាននិយាយថា Hailey បានតស៊ូជាមួយ Justin ចាប់តាំងពីការចាប់ផ្តើមនៃអាពាហ៍ពិពាហ៍នេះ។ នាងបានរងទុក្ខជាច្រើន»។
យោងតាមប្រភពបានឱ្យដឹងថា ការភ័យខ្លាចនៃហ្វូងមនុស្សបានក្លាយជាបន្ទុកផ្លូវចិត្តសម្រាប់ Justin Bieber ក្នុងរយៈពេលថ្មីៗនេះ ដែលប៉ះពាល់ដល់ជីវិតផ្ទាល់ខ្លួន និងអាជីពរបស់លោក។ Hailey ត្រូវបានគេនិយាយថាតែងតែលើកទឹកចិត្តប្តីឱ្យចេញទៅសង្គមខាងក្រៅ ប៉ុន្តែ Justin ចូលចិត្តរស់នៅបិទជិត ហើយបដិសេធមិនស្តាប់ដំបូន្មានរបស់ប្រពន្ធលោក។ បច្ចុប្បន្នតំណាងគូស្នេហ៍សិល្បៈនេះនៅមិនទាន់ឆ្លើយតបនឹងព័ត៌មានខាងលើនោះទេ។
Justin ធ្លាប់បានបង្កភាពច្របូកច្របល់ក្នុងចំនោមអ្នកគាំទ្រនៅពេលដែលលោក Unfollow អ្នកស្គាល់គ្នាជាបន្តបន្ទាប់រួមទាំងឪពុកក្មេក និង តារាចម្រៀងរ៉េប Usher ដែលបានគាំទ្រ Justin នៅពេលបានបង្ហាញខ្លួនជាលើកដំបូង។ នៅថ្ងៃទី ២០ ខែមករា អ្នកគាំទ្របានរកឃើញថា Justin បាន Unfollow Instagram ប្រពន្ធរបស់ខ្លួន។ តារាចម្រៀងរូបនេះបានបដិសេធភ្លាមៗនៅលើ «Story IG» របស់លោក ដោយនិយាយថាមាននរណាម្នាក់បានលួចចូលគណនីរបស់លោកដើម្បីធ្វើដូច្នេះ។ មួយថ្ងៃក្រោយមក តារាចម្រៀងរូបនេះបានចែករំលែករូបថតជាច្រើនសន្លឹកដែលថតជាមួយភរិយា និងមិត្តភ័ក្ដិអំឡុងពេលវិស្សមកាលនៅទីក្រុង Aspen ដោយបដិសេធពាក្យចចាមអារ៉ាមថាមានការប្រេះឆា៕
