Kim Soo-hyun តារាសម្តែងស៊ីថ្លៃបំផុតនៅប្រទេសកូរ៉េខាងត្បូងបានចេញមុខជម្រះចំពោះចចាមអារ៉ាមអំពីទំនាក់ទំនងស្នេហាជាមួយ Kim Ji-won ដែលជាតួឯកស្រីក្នុងរឿង «Queen of Tears»។
នៅថ្ងៃទី២៤ អ្នកគាំទ្រម្នាក់របស់លោកបានសរសេរថា « សូមរៀបការជាមួយ Ji Won ឱ្យបានឆាប់ ហើយបង្ហោះរូបស្នេហ៍តាមអ៊ីនធឺណិតធ្វើឱ្យទំនាក់ទំនងរបស់អ្នកជាសាធារណៈ ហើយបង្ហាញយើងឱ្យកាន់តែច្រើនថាអ្នកនៅជាមួយគ្នា។ សូមប្រកាសប្រាប់អ្នកទាំងអស់គ្នាថាអ្នកមានទំនាក់ទំនងហើយស្រឡាញ់គ្នាខ្លាំងណាស់។ ប្រញាប់ចុះសំបុត្រអាពាហ៍ពិពាហ៍ ហើយធ្វើឱ្យ Ji Won ជារបស់អ្នក។ សូមរៀបការ។ ភរិយារបស់ Kim Soo Hyun គឺ Kim Ji Won និងស្វាមី Kim Ji Won គឺ Kim Soo Hyun »។ ជាការឆ្លើយតប Kim Soo-hyun បានឆ្លើយតបថា «ឥឡូវនេះ ខ្ញុំសង្ឃឹមថាអ្នកនឹងមើលរឿងភាគជារឿងភាគ»។
Kim Soo-hyun និង Kim Ji-won ទទួលបានប្រជាប្រិយភាពយ៉ាងខ្លាំងតាមរយៈការដើរតួជា Baek Hyun-woo និង Hong Hae-in នៅក្នុងរឿងភាគរបស់ទូរទស្សន៍ tvN មានចំណងជើងថា «Queen of Tears» ដែលបានបញ្ចប់ការចាក់បញ្ចាំងកាលពីចុងខែមេសា ឆ្នាំ២០២៤។ «Queen of Tears» បានផ្តួលរឿង «Crash Landing on You» ដើម្បីបំបែកកំណត់ត្រាសម្រាប់ការវាយតម្លៃខ្ពស់បំផុតនៃរឿងភាគរបស់ tvN ដែលមិនធ្លាប់មាន។
ចាប់តាំងពីពេលនោះមក អ្នកទាំងពីរមានពាក្យចចាមអារ៉ាមថានឹងណាត់ជួបគ្នានៅថ្ងៃទី ១ ខែកក្កដា ឆ្នាំ២០២៤។ Kim Soo-hyun បានបង្ហោះរូបថតចំនួន៤នៅលើបណ្តាញសង្គមផ្ទាល់ខ្លួនហើយបានលុបរូបថតចំនួន ៣សន្លឹកជាប្រញាប់។ រូបថតនោះគឺជាពេលវេលាដែល Kim Soo-hyun ជួបជាមួយអ្នកគាំទ្រនៅអាស៊ីរបស់លោក។ អ្នកប្រើប្រាស់អ៊ិនធឺណិតមួយចំនួនបាននិយាយថារូបរបស់ Kim Soo-hyun ដែលត្រូវបានលុបយ៉ាងលឿននោះគឺស្រដៀងនឹងរូបថតរបស់ Kim Ji-won ដែលបង្ហោះនៅលើបណ្តាញសង្គមរហូតអ្នកគាំទ្រហៅវាថាជា«រូបថតគូស្នេហ៍»។ នៅពេលនោះ ភ្នាក់ងាររបស់ Kim Soo-hyun និង Kim Ji-won មិនបានធ្វើសេចក្តីថ្លែងការណ៍ផ្លូវការណាមួយ ទាក់ទងនឹងពាក្យចចាមអារ៉ាមនេះឡើយជាហេតុធ្វើឱ្យមានពាក្យចចាមអារ៉ាមអំពីទំនាក់ទំនងស្នេហារបស់អ្នកទាំងពីរ៕
