ចំពោះអ្នកដែលតាមដានវិស័យបវរកញ្ញាជ្រាបមកហើយថាបវរកញ្ញា ប៊ី សុធារី បានសម្រេចចិត្តកាត់សក់ខ្លីរបស់ខ្លួនកាលពីកន្លងមកថ្មីៗនេះពីព្រោះតែការស្រលាញ់និងការស្រ្តេសខ្លាំង។ ទោះយ៉ាងណា ក្នុងការដែលនាងកាត់សក់ខ្លីនេះត្រូវបានអ្នកមួយចំនួនខម្មិនថាដូចអ្នកនេះ ដូចអ្នកនោះជាហេតុធ្វើឱ្យនាងមិនសប្បាយចិត្តចេញវីដេអូឆ្លើយតបតែម្តង។
ប៊ី សុធារី បានចេញវីដេអូមួយនៅល្ងាចថ្ងៃទី២១ មករា ឆ្លើយតបនឹងការខម្មិនថា «មើលច្រឡំស្មានថាស្រីម្នាក់នោះ»។ ក្នុងវីដេអូ សុធារី ថាចំពោះការខម្មិននេះនាងទទួលបានច្រើនជាពាក្យពេចន៍ថាមើលមួយភ្លាតស្មានថាម្នាក់ស្រីនោះហើយពេលខ្លះថែមទាំងខម្មិនឈ្មោះគេទៀតមកលើវីដេអូនាង។ សុធារី ថាមានការខម្មិនឈ្មោះគាត់ចំៗទាំងដែលនាងមិនដែលមាបញ្ហាជាមួយគេនោះទេ ហើយគាត់នោះក៏មិនដែលមានរឿងអ្វីជាមួយនឹងអ្នកខម្មិនដែរតែអ្នកខម្មិនចូលចិត្តលើកគាត់មកនិយាយនៅក្នុងវីដេអូនាង។
បវរកញ្ញារូបនេះបានលើកឡើងទៀតថា មិនត្រឹមតែមានការប្រៀបធៀបទៅគាត់នោះទេប៉ុន្តែមានអ្នកផ្សេងទៀតដូចជាតួរឿងនាងនុត តារាស្រុកគេ។ ប៊ី សុធារី ថា នាងកាត់សក់នាងធ្វើជាខ្លួននាងបើសិនជាគិតថានាងដូចជានរណាគេរក្សាវានៅក្នុងចិត្តទៅមិនចាំបាច់ចូលខម្មិនលើវីដេអូនាងនោះទេព្រោះនាងមិនពេញចិត្តក្នុងការឃើញខម្មិនទាំងអស់ហ្នឹងនោះទេ។
ប៊ី សុធារី បានបន្ថែមទៀតថា «បើសិនជាឃើញវីដេអូរបស់នាងសូមមេត្តាបញ្ឈប់មិនថាតែលើនាងឬអ្នកផ្សេងទៀតនោះទេក្នុងការប្រៀបធៀបព្រោះគ្មានអ្នកណាសប្បាយចិត្តនោះទេ រៀនយកចិត្តគេដាក់ចិត្តខ្លួនឯង កុំគិតថាមានបណ្តាញសង្គមហើយចង់និយាយអ្វី ចង់ខម្មិនអ្វីក៏បាន»។ និយាយដោយអារម្មណ៍មិនសប្បាយចិត្ត ប៊ី សុធារី ថាសម័យនេះហើយមិនមែនសម័យមុននោះទេចង់និយាយអ្វីក៏បាន ទោះបីជានាងជាមនុស្សមហាជនក៏ដោយ។
បវរកញ្ញារូបនេះបាននិយាយថា ប៉ះនាងទោះបីជាអ្នកជាហ្វេនគាំទ្រនាងយ៉ាងណាក៏ដោយបើសិនជាខម្មិនពាក្យណាដែលនាងមិនពេញចិត្តនាងរីផតហើយនឹងប្លុកចោលទៀត ព្រោះនាងចង់ធ្វើជាខ្លួននាងបញ្ឈប់ការប្រៀបធៀបនាងទៅអ្នកផ្សេង៕
