នៅលើបណ្តាញសង្គមចិនកំពុងល្បីថា Dilraba Dilmurat និង Johnny Huang បានបែកគ្នា

ក្នុងរយៈពេល ៤ ឆ្នាំកន្លងមកនេះ ទំនាក់ទំនងរវាង Dilraba Dilmurat និង Johnny Huang បានធ្វើឱ្យសាធារណជនមានការចង់ដឹងយ៉ាងច្រើនថាពួកគេពិតជាមានទំនាក់ទំនងស្នេហាជាមួយគ្នាឬយ៉ាង ប៉ុន្តែតារាទាំងពីររូបមិនដែលធ្វើការបកស្រាយឡើយ។ ថ្មីៗនេះសិល្បៈកម្សាន្តចិនត្រូវបានលេចឮព័ត៌មានថាគូស្នេហ៍មួយគូដែលមានពាក្យចចាមអារ៉ាមនេះឆ្ពោះទៅផ្លូវបែកគ្នា។

ការផ្សាយបន្តផ្ទាល់របស់អ្នកសរសេរប្លុកម្នាក់បាននិយាយថា តារាប្រុស Johnny ទំនងជាត្រូវបែកគ្នាជាមួយតារាដែលមានអក្សរ៩។ យោងតាមអ្នកសរសេរប្លុកកម្សាន្តឈានមុខគេនេះ Johnny និងតារាស្រីល្បីឈ្មោះកាលពីពីរថ្ងៃមុន អ្នកទាំងពីរមានកាលវិភាគនៅទីក្រុងប៉េកាំង (ប្រទេសចិន)។ ប៉ាប៉ារ៉ាស៊ីបានតាមដានអ្នកទាំងពីរយ៉ាងជិតស្និទ្ធជាច្រើនថ្ងៃមកហើយ តែមិនឃើញបានជួបសោះ។ មួយរយៈចុងក្រោយនេះ អ្នកទាំងពីរក៏បានធ្វើសកម្មភាពចម្លែក ដោយមិនបានបង្ហាញថាពួកគេនៅតែរក្សាទំនាក់ទំនងគ្នាទៅវិញទៅមក។ អ្នកសរសេរប្លុកនោះបាននិយាយថា Johnny Huang និងមិត្តស្រីល្បីរបស់លោកគឺប្រហែលជារឿងអតីតកាលហើយ។

ទោះបីជាអត្តសញ្ញាណរបស់តារាណាត់ជួប Johnny Huang មិនត្រូវបានបញ្ជាក់ច្បាស់លាស់ក៏ដោយ ក៏អ្នកនិយមលេងអ៊ីនធឺណិតទាំងអស់ស្មានថាមនុស្សដែលអ្នកនិយាយនេះលើកឡើងនោះគឺ Dilraba Dilmurat។ ឈ្មោះពេញរបស់នាងមាន ៩ ពាក្យដូចអ្វីដែលបានរៀបរាប់។ ថ្មីៗនេះ ដំណឹងដែលថា Dilraba Dilmurat និង Johnny Huang បែកគ្នាបានបង្កភាពចលាចលនៅក្នុងមតិសាធារណៈជនចិន ដោយជាប់ចំណាត់ថ្នាក់លេខ១ ក្នុងការស្វែងរកដ៏ក្តៅគគុកនៅលើបណ្តាញសង្គម Weibo ។

Dilraba Dilmurat និង Johnny Huang បានជាប់ពាក់ព័ន្ធនឹងពាក្យចចាមអារ៉ាមស្នេហាតាំងពីឆ្នាំ ២០២០ បន្ទាប់ពីបានសម្តែងក្នុងរឿង Love Designer ។ អ្នកទាំងពីរបានបង្ហាញព័ស្តុតាងជាច្រើនដែលបង្ហាញថាពួកគេមានស្នេហា។ ក្នុងឈុត Dilraba Dilmurat និង Johnny Huang មានកាយវិការស្និទ្ធស្នាលជាច្រើនលើសពីកម្រិតមិត្តរួមការងារ។ តារាមួយគូដែលកើតក្នុងឆ្នាំ ១៩៩២ ត្រូវបានគេប្រទះឃើញជួលអង្គរក្សដូចគ្នា ធ្វើការជាមួយអ្នករចនាម៉ូដដូចគ្នា ឬបង្ហាញកន្លែងរស់នៅស្រដៀងគ្នា។

នៅខែតុលា ឆ្នាំ២០២០ Johnny Huang និង Dilraba Dilraba មានព័ស្តុតាងនៃការពាក់ខ្សែកដូចគ្នា។ ការរចនាខ្សែដៃមានលក្ខណៈស្រដៀងនឹងឈ្មោះរបស់តារាស្រីរូបនេះ។ នៅដើមឆ្នាំ ២០២៣ ប្រភពមួយបាននិយាយថា Johnny Huang និង Dilraba Dilmurat បានទៅអឺរ៉ុបដើម្បីធ្វើដំណើរកម្សាន្តជាមួយគ្នា។ ទស្សនិកជនម្នាក់អះអាងថាបានជួបតារាស្រីរូបនេះ ដោយចៃដន្យនៅសារមន្ទីរក្នុងប្រទេសបារាំង។

នៅថ្ងៃទី៤ ខែកុម្ភៈ ឆ្នាំ២០២៤ មនុស្សម្នាក់បានបង្ហោះនៅលើប្រព័ន្ធផ្សព្វផ្សាយសង្គមថាបានកំពុងស្នាក់នៅកន្លែងតែមួយជាមួយ Dilraba Dilmurat ។ នៅថ្ងៃទី៥ ខែកុម្ភៈ ឆ្នាំ ២០២៤ អ្នកដំណើរម្នាក់ទៀតបានបង្ហោះនៅលើ Douyin ថាគេបានជួប Johnny Huang នៅប្រទេសថៃ។ អ្នកសរសេរប្លុកបាននិយាយថា គាត់បានផ្ញើសារជាមួយនឹងគណនីទាំងពីរដែលបានរៀបរាប់ខាងលើ ហើយពួកគេទាំងអស់បានបញ្ជាក់ថាពួកគេបានឃើញ Johnny Huang និង Dilraba Dilmurat នៅក្នុងប្រទេសថៃ។

យោងតាមអ្នកសរសេរប្លុកកម្សាន្ត បានឱ្យដឹងថា កាលពីខែកុម្ភៈ លោក Johnny Huang និង Dilraba Dilmurat អ្នកទាំងពីរមិនមានកាលវិភាគការងារនៅក្នុងប្រទេសថៃទេ។ ដូច្នេះ ការដែលអ្នកទាំងពីរនៅកន្លែងតែមួយអាចមានន័យថាពួកគេទៅក្រៅប្រទេសដើម្បីណាត់ជួប។ យោងតាមកាលវិភាគរបស់តារាទាំងពីរ អ្នកសរសេរប្លុកកម្សាន្តបានប៉ាន់ស្មានថា Johnny Huang និង Dilraba Dilmurat បានចំណាយពេលប្រហែល ៤ ថ្ងៃជាមួយគ្នា។

ចំពោះពាក្យចចាមអារ៉ាមមិនពិតអំពីរឿងស្នេហា អ្នកសិល្បៈតែងឆ្លើយយ៉ាងមុតមាំថាជាព័ត៌មានក្លែងក្លាយ។ យ៉ាងណាមិញ តារាទាំងពីរដួងនេះ មិនដែលបដិសេធយ៉ាងច្បាស់ពីទំនាក់ទំនងស្នេហាក្នុងរយៈពេល ៥ឆ្នាំកន្លងមកនេះឡើយ ដូច្នេះហើយមហាជននៅតែជឿជាក់ថាពួកគេពិតជាមានអារម្មណ៍កើតឡើងក្នុងអំឡុងពេលសហការគ្នា។ កាសែត Sohu បាននិយាយថា Dilraba Dilmurat មិនបានបដិសេធពីអារម្មណ៍របស់នាងចំពោះ Johnny Huang នោះទេ ពីព្រោះតារាសម្តែងបានជួយនាងឱ្យភ្ជាប់ទំនាក់ទំនងជាមួយធនធានភាពយន្ត៕