អ្នកគាំទ្រឆេះឆួលក្រោយដឹងថា Jennie ត្រូវបាន Seungri ទាក់ទាញជាមួយនឹងសម្តីផ្អែមល្ហែម

ប្រព័ន្ធផ្សព្វផ្សាយកូរ៉េបានរាយការណ៍ថា Jennie សមាជិកក្រុម BLACKPINK ត្រូវបានទាក់ទាញប្រើភាសាផ្អែមល្ហែមដោយ Seungri មុនពេលបុគ្គលនេះត្រូវបានចាប់ខ្លួនក្នុងរឿង Burning Sun ។ ដំណឹងនេះបានធ្វើឱ្យអ្នកគាំទ្ររបស់តារាស្រីមានការភ្ញាក់ផ្អើលភ្លាមៗដោយក្តីខឹងសម្បារទៅកាន់អតីតសមាជិកក្រុម BIGBANG រូបនេះ។

ថ្មីៗនេះ ព័ត៌មានលម្អិតជុំវិញករណី Burning Sun នៅក្នុងប្រវត្តិសាស្ត្រវិស័យសិល្បៈ របស់កូរ៉េ តែងតែទទួលបានការចាប់អារម្មណ៍ជាពិសេសពីសាធារណជន។ នៅព្រឹកថ្ងៃទី ១៤ ខែមករា គេហទំព័រ Koreaboo បានរាយការណ៍ថា Seungri ដែលជាតួលេចធ្លោក្នុងរឿងអាស្រូវនោះ បានបង្ហោះពាក្យផ្អែមល្ហែមជាមួយ Jennie មុនពេលរឿងអាស្រូវទាក់ទងនឹងក្លឹបរាត្រីដែលបានរៀបរាប់ខាងលើបានផ្ទុះឡើង។

Seungri បានចែករំលែកនៅលើទំព័រផ្ទាល់ខ្លួនរបស់លោកនូវការបង្ហោះដែលមើលទៅហាក់ដូចជាចម្លែកដើម្បីគាំទ្រដល់កំពូលតារាចម្រៀងរ៉េប BLACKPINK នៅពេលដែលនាងកំពុងដំណើរការផ្សព្វផ្សាយបទចម្រៀង «Solo» នៅចុងឆ្នាំ ២០១៨ ។ បុគ្គលនេះបានសរសេរថា «Jennie ខ្ញុំមានចំណងដៃខ្លះដែលខ្ញុំទទួលបានពី Chanel -ប្រសិនបើអ្នកត្រូវការណាមួយ ប្រាប់ខ្ញុំឱ្យដឹង ប្រសិនបើមានអ្វីដែលខ្ញុំអាចជួយអ្នកក្នុងអំឡុងការផ្សព្វផ្សាយនេះ សូមមេត្តាប្រាប់ខ្ញុំដោយសេរី»។ មិនត្រឹមតែអ្នកគាំទ្ររបស់ Jennie ប៉ុណ្ណោះទេ ថែមទាំងនៅលើវេទិកាបណ្ដាញសង្គមផងដែរ អ្នកនិយមលេងអ៊ីនធឺណិតបានបញ្ចេញប្រតិកម្មយ៉ាងខ្លាំងចំពោះសារដ៏រសើប ដែល Seungri បង្ហោះទៅកាន់តារាស្រីរូបនេះ។
កាលពីមុន ទំនាក់ទំនងរវាងអតីតសមាជិកក្រុម BIGBANG រូបនេះនិង Jennie នៅលើឆាកបានបង្កភាពចលាចលនៅក្នុងសហគមន៍អនឡាញ។ កាលពី៦ឆ្នាំមុន Jennie បាននិយាយភ្លាមៗនៅកណ្តាលការប្រគំតន្ត្រី ដោយសារតែ Seungri ផ្សព្វផ្សាយពាក្យចចាមអារ៉ាមដែលប៉ះពាល់ដល់កេរ្តិ៍ឈ្មោះរបស់នាង។ តារាស្រីរូបនេះបានប្រកាសនៅចំពោះមុខអ្នកទស្សនារាប់ម៉ឺននាក់ថា៖ «ខ្ញុំឮអ្នកនិយាយថាអ្នកប៉ះស្មាខ្ញុំពីក្រោយឆាក ប៉ុន្តែខ្ញុំមិនដែលធ្វើបែបនោះទេ។ ប្រឈមមុខនឹង «ការអាម៉ាស់មុខ» ជាសាធារណៈ ពេលនោះ Seungri បានបង្វែរស្ថានការណ៍ដោយការច្រៀងបទចម្រៀង «Solo» ។ បន្ទាប់មក Jisoo ក៏មានអាកប្បកិរិយាហាក់ដូចជាចង់រារាំងបុគ្គលនេះពីការនិយាយមិនត្រឹមត្រូវ បង្កការយល់ច្រលំ និងប៉ះពាល់អវិជ្ជមានដល់ក្រុម។

រឿងអាស្រូវ The Burning Sun ដែលត្រូវបានលាតត្រដាងក្នុងឆ្នាំ ២០១៩ មតិសាធារណៈមានការភ្ញាក់ផ្អើលពេញអាស៊ី។ Seungri គឺជាបុគ្គលលេចធ្លោម្នាក់របស់ Burning Sun ហើយត្រូវបានជាប់ទាក់ទងនឹងបញ្ហាផ្លូវច្បាប់។ ក្នុងអំឡុងពេលសវនាការដែលបានធ្វើឡើងក្នុងខែមករា ឆ្នាំ ២០២២ អតីតសមាជិកក្រុម BIGBANG បានសារភាពការចោទប្រកាន់ចំនួន ៩ប្រឆាំងនឹងលោក។

នៅខែឧសភា ឆ្នាំ២០២២ តុលាការកំពូលកូរ៉េបានទទួលស្គាល់ជាផ្លូវការនូវការកាត់ទោសដាក់ពន្ធនាគាររយៈពេល ១ ឆ្នាំ និង ៦ ខែរបស់ Seungri ដែលសម្រេចដោយតុលាការជាន់ទាប។ បន្ថែមពីលើការកាត់ទោសដាក់ពន្ធនាគារ អតីតតារាចម្រៀង រូបនេះក៏ត្រូវបង់ប្រាក់ពិន័យចំនួន ១.១៥ពាន់លានវ៉ុន។ Seungri បានជាប់គុកកាលពីខែសីហា ឆ្នាំ ២០២១និងត្រូវបានដោះលែងជាផ្លូវការនៅខែកុម្ភៈ ឆ្នាំ២០២៣៕