ក្រោយពីបញ្ចប់សង្គ្រាមក្នុងចិត្តរុំារៃអស់រយៈពេលជាច្រើនឆ្នាំហើយវិលត្រឡប់មកជានាគ្នាវិញទស្សនិកជនសង្កេតឃើញថាតារាចម្រៀងល្បីល្បាញអ្នកនាង ម៉េង កែវពេជ្ជតា និងតារាស្រី ចន ច័ន្ទលក្ខិណា ទំនាក់ទំនងកាន់តែស្អិតរមួត។ ឃើញអ្នកទាំងពីរមានភាពល្អូកល្អិននឹងគ្នាបែបនេះអ្នកគាំទ្រជាច្រើនបានបង្ហាញអារម្មណ៍រំភើបចិត្តយ៉ាងខ្លាំង។.png)
កាលពីពេលថ្មីៗនេះស្ថិតនៅក្នុងកម្មវិធីជប់លៀងបំណាច់ឆ្នាំមានវីដេអូជាច្រើនបានចែករំលែកនៅលើបណ្តាញសង្គមអំពីតារាចម្រៀង ម៉េង កែវពេជ្ជតា ប្រសិទ្ធិនាមជា « រាជនីសម្លេងមាសយុគសម័យសន្តិភាព » និង តារាស្រី ចន ច័ន្ទលក្ខិណា អតីតប្រធានសមាគមសិល្បករខ្មែរ បានបង្កើតបរិយាកាសរីករាយជាមួយគ្នាគួរជាទីមោទនៈ។
ក្នុងវីដេអូដែលបង្ហោះនៅលើបណ្តាញសង្គមគេបានឃើញអ្នកទាំងពីរឡើងច្រៀងឆ្លើយឆ្លងគ្នាយ៉ាងសប្បាយរីករាយ។ លើសពីនេះទៅទៀតតាមរយៈវីដេអូផ្សេងទៀតគឺគេបានឃើញជំទាវ ចន ច័ន្ទលក្ខិណា បានយកមកុដមកបំពាក់អ្នកនាង ម៉េង កែវពេជ្ជតា ជាមួយនឹងក្តីស្រលាញ់ដោយអ្នកទាំងពីរបានថើបគ្នាផងដែរ។
ការជានានិងមានក្តីស្រលាញ់ចំពោះគ្នាទៅវិញទៅមកនេះ អ្នកលេងបណ្តាញសង្គមជាអ្នកគាំទ្របានបង្ហាញអារម្មណ៍រំភើបចិត្តយ៉ាងខ្លាំងក្រោយពីឃើញបែបនេះនិងបានខម្មិនថាមើលវីដេអូនេះហើយញញឹមមិនដឹងខ្លួននិងមានការសរសើរអ្នកទាំងពីររាប់អានគ្នាហើយជិតស្និទ្ធបែបនេះ។
គួរបញ្ជាក់ថា ក្រោយពីទទួលបានការជួយជ្រោមជ្រែងពីលោកជំទាវអ្នកឧកញ៉ា ម៉ៅ ចំណាន ប្រធានសមាគមសិល្បករខ្មែរកាលពីខែកក្កដា កន្លងមកនេះជម្លោះរុំារៃរវាង អ្នកនាង ម៉េង កែវពេជ្ជតា និង តារាស្រី ចន ច័ន្ទលក្ខិណា ត្រូវបានផ្សះផ្សាជានាគ្នា១០០ភាគរយហើយភាគីទាំងពីរក៏បានព្រមព្រៀងគ្នា ចចារបញ្ចប់ជម្លោះដ៏តានតឹងទាំងប៉ុន្មាន និងងាកមកចាប់ដៃគ្នាវិញ។ ក្រោយពីអ្នកទាំងពីរជានាគ្នា អ្នកក្នុងចង្កោមសិល្បៈ ទស្សនិកជន មានការសាទរយ៉ាងច្រើនខណៈក្រោយមកអ្នកទាំងពីរបានរួមការងារជាមួយគ្នានិងកាន់តែស្និទ្ធស្នាលគ្នាយ៉ាងខ្លាំង៕
