លោក ឃុន ធារិទិ្ធ ឬអ្នកមួយចំនួនស្គាល់ថាជាអ្នកដឹកនាំសម្តែង RITH Omega បានប្រកាសនៅលើបណ្តាញសង្គមបើកឱកាសឱ្យ ប៊ុត សីហា ធ្វើជាអ្នកចម្រៀងក្រោមការគ្រប់គ្រងរបស់ខ្លួនបន្ទាប់ពី ប៊ុត សីហា សុំការផ្តល់ឱកាសពីមហាជនលើកចុងក្រោយ។ ទោះយ៉ាងណា ទស្សនិកជនមួយចំនួនលែងមានជំនឿចិត្តចំពោះអតីតម្ចាស់ពានរូបនេះដោយបានបញ្ចេញមតិថា ប៊ុត សីហា ជាមនុស្សគ្មានកំណើតបង្កើតកំហុសម្តងហើយម្តងទៀត។
នៅថ្ងៃទី២១ ធ្នូ RITH Omega បានបង្ហោះនៅលើបណ្តាញសង្គមថា «ខ្ញុំធ្លាប់ខុស សីហាក៏ធ្លាប់ខុស ខ្ញុំឃើញការបង្ហោះពីការដឹងខុសនិងការតាំងចិត្ត សន្យាលើកចុងក្រោយរបស់ សីហា ខ្ញុំជឿថាបើសីហាចូលរួមជាមួយខ្ញុំ ធ្វើជាArtists របស់ខ្ញុំ សីហាអាចនឹងមានទីផ្សារម្តងទៀត សំខាន់ឱ្យតែសីហាច្បាស់លាស់ថាចង់កែខ្លួនមែន ដឹងកំហុសពីមុនពិតមែន….»។
អ្នកដឹកនាំសម្តែង MV រូបនេះបានបញ្ជាក់ថាលោករង់ចាំការទាក់ទងរបស់ ប៊ុត សីហា និងជួយផ្តល់ឱកាសឱ្យ សីហា កែប្រែខ្លួននិងងើបឈរម្តងទៀត ដែលលោកអាចផ្តល់ឱកាសដូចជា ធ្វើចម្រៀង Original song ផលិត MV / Short film MV ដើរ Marketing-promote ទម្លាក់ Event តាមបណ្តាល Pub-Concert-TV ។
ទោះយ៉ាងណា ការប្រកាសបើកឱកាសទៅដល់ ប៊ុត សីហា ពីសំណាក RITH Omega ទស្សនិកជនជាអ្នកលេងបណ្តាញសង្គមមួយចំនួនបានបញ្ចេញមតិចម្រុះ អ្នកមួយចំនួនក៏គាំទ្រចំណែកឯមួយផ្នែកទៀតមិនគាំទ្រឡើយនិងបានលើកឡើងថារូបគេគ្មានជំនឿចិត្តចំពោះអតីតម្ចាស់ពាន The Voice Cambodia រដូវកាលទី១ ឡើយព្រោះមហាជនបានផ្តល់ឱកាសហើយប៉ុន្តែបានប្រព្រឹត្តអំពើខុសឆ្គងម្តងហើយម្តងទៀតនិងថា ប៊ុត សីហា ជាមនុស្សគ្មានកំណើត។ អ្នកមួយចំនួនក៏បានផ្លែផ្កាដាក់ RITH Omega ឱ្យជួយខ្លួនឯងវិញព្រោះលោកក៏ជួបការលំបាកដូចគ្នា។
អ្នកដឹកនាំការសម្តែងរូបនេះថា កាលពីឆ្នាំមុនធ្លាប់បានធ្វើជា Manager របស់ ពូ ឃ្លាំង និងនៅពីក្រោយជួយតារាចម្រៀងរូបនេះឱ្យត្រឡប់ចូលសិល្បៈវិញបាន តែលោកជួយ សីហា មិនមែនយកលុយទៅជួយនោះទេជាការផ្តល់ឱកាសការងារ។
គួរបញ្ជាក់ផងដែរថា RITH Omega បានជួយប្រទះបញ្ហាវិបត្តិហិរញ្ញវត្ថុ ចំណែកឯ ប៊ុត សីហា ជាតារាចម្រៀងដែលមានរឿងអាស្រូវគ្រឿងញៀនធ្លាប់វិលចូលសិល្បៈវិញ ប៉ុន្តែនៅតែប្រព្រឹត្តខុសដដែលរហូតធ្វើឱ្យមហាជនលែងមានជំនឿចិត្ត៕
